ભાઈજાનનાં વખાણ કરતાં મનીષા કોઇરાલાએ કહ્યું...
સલમાન ખાન , મનીષા કોઇરાલા
મનીષા કોઇરાલાનું કહેવું છે કે સલમાન ખાનમાં કોઈ બનાવટ નથી. બૉલીવુડના ત્રણેય ખાન સાથે કામ કરનારી સૌથી પહેલી હિરોઇનોમાંની તે એક છે. તેણે હાલમાં જ કહ્યું હતું કે શાહરુખ ખાનથી મોટો કોઈ સ્ટાર નથી અને કોઈ હશે પણ નહીં. જોકે તેની મમ્મી સલમાન ખાનની સૌથી મોટી ફૅન છે. મનીષા હાલમાં ‘હીરામંડી : ધ ડાયમન્ડ બઝાર’માં જોવા મળવાની છે. સલમાન વિશે વાત કરતાં મનીષા કહે છે, ‘સલમાન ખાન બહોત હી અચ્છે ઇન્સાન હૈ. ઝિંદા દિલ હૈ. મને એટલું ખબર છે કે તેઓ ખૂબ જ ચૅરિટી કરે છે. તેઓ આ વિશે વધારે જણાવતા નથી, પરંતુ તેણે ઘણા કૅન્સર-પેશન્ટની મદદ કરી છે. તેઓ પણ ખૂબ જ મોટા સ્ટાર છે. તેમની એક અલગ સ્ટાઇલ છે, જે લોકોને ખૂબ જ પસંદ છે. મારી મમ્મી તેમને ખૂબ જ પસંદ કરે છે. તેમનામાં કોઈ બનાવટ નથી, જે છે એ સામે દેખાઈ આવે છે.’
