Amitabh Bachchan buys property in Ayodhya: મેગા સ્ટાર અમિતાભ બચ્ચને યુપીના અયોધ્યામાં કર્યું ચોથું ઇન્વેસ્ટમેન્ટ; ૪૦ કરોડ રુપિયામાં ૨૫૦૦૦ ચોરસ ફુટનો પ્લોટ લીધો
અમિતાભ બચ્ચનની ફાઈલ તસવીર
બૉલિવુડ (Bollywood)ના મેગાસ્ટાર અમિતાભ બચ્ચન (Amitabh Bachchan) વૈભવી જીવનશૈલી જીવે છે. મુંબઈ (Mumbai)માં જ તેમના ઘણા બંગલા છે. અમિતાભ બચ્ચને ગયા વર્ષે ઉત્તર પ્રદેશ (Uttar Pradesh)ના અયોધ્યા (Ayodhya)માં મિલકત ખરીદી હતી, તેના વિશે ઘણી ચર્ચા થઈ હતી. હવે એવા અહેવાલો છે કે અભિનેતાએ અયોધ્યામાં વધુ એક મિલકત ખરીદી છે.
‘બીગ બી’ અમિતાભ બચ્ચનને કોઈ પરિચયની જરૂર નથી. ફિલ્મોની સાથે, અમિતાભ બચ્ચન ઘણી વૈભવી મિલકતોમાં પણ રોકાણ કરે છે. રામ મંદિરના અભિષેક પછી, `બિગ બી` અયોધ્યાના વૈભવી પ્રોપર્ટીમાં સતત રોકાણ કરી રહ્યા છે. તેમણે અયોધ્યામાં ૨૫૦૦૦ ચોરસ ફૂટનો બીજો પ્લોટ ખરીદ્યો છે (Amitabh Bachchan buys property in Ayodhya) જેની કિંમત ૪૦ કરોડ રૂપિયા હોવાનું કહેવાય છે. આ જમીન `સરયુ` વિસ્તારની નજીક છે જે એક ઉચ્ચ કક્ષાનો વિકાસ ક્ષેત્ર બની ગયો છે.
ADVERTISEMENT
અમિતાભ બચ્ચને અયોધ્યામાં ૨૫,૦૦૦ ચોરસ ફૂટ જમીન ખરીદીને તેમના રિયલ એસ્ટેટ પોર્ટફોલિયોનો વિસ્તાર કર્યો છે. ઉત્તર પ્રદેશના અયોધ્યામાં આ તેમનું ચોથું મોટું રિયલ એસ્ટેટ રોકાણ છે. આ વિશાળ જમીનનો ટુકડો ધ હાઉસ ઓફ અભિનંદન લોઢા દ્વારા એક વૈભવી વિકાસ પ્રોજેક્ટ છે, જે ધ સરયુની નજીક સ્થિત છે. પીઢ અભિનેતાએ આ પ્લોટ લગભગ ૪૦ કરોડ રૂપિયામાં ખરીદ્યો હતો.
અયોધ્યામાં અમિતાભ બચ્ચનનું આ પહેલું રોકાણ નથી. આ વર્ષની શરૂઆતમાં ૮૨ વર્ષીય અમિતાભ બચ્ચને રામ મંદિર (Ram Mandir)થી આશરે ૧૦ કિમી દૂર ૫૪,૪૫૪ ચોરસ ફૂટનો પ્લોટ ખરીદ્યો હતો. હરિવંશ રાય બચ્ચન ટ્રસ્ટ (Harivansh Rai Bachchan Trust) હેઠળ નોંધાયેલ, આ જમીનનો ઉપયોગ તેમના પિતા અને પ્રખ્યાત કવિ હરિવંશ રાય બચ્ચન ((Harivansh Rai Bachchan)ના સન્માનમાં એક સ્મારક બનાવવા માટે કરવામાં આવશે.
એ પહેલાં વર્ષ ૨૦૨૪માં, અમિતાભ બચ્ચને સરયુમાં લગભગ ૧૪.૫ કરોડ રૂપિયામાં ૧૦,૦૦૦ ચોરસ ફૂટનો પ્લોટ ખરીદ્યો હતો. સરયુ અયોધ્યામાં સૌથી ઉચ્ચ કક્ષાના રહેણાંક વિસ્તારોમાંથી એક તરીકે ઓળખાય છે. ૨૦૨૪માં રામ મંદિરના ભવ્ય ઉદ્ઘાટન પહેલાં પણ, અભિનેતાએ હવેલી અવધમાં ૫,૩૭૨ ચોરસ ફૂટના પ્લોટમાં રોકાણ કર્યું હતું, જેના માટે તેમણે ૪.૫૪ કરોડ રૂપિયા ચૂકવ્યા હોવાનું કહેવાય છે.
તાજેતરના સમયમાં, અમિતાભ બચ્ચન રિયલ એસ્ટેટ ઇન્વેસ્ટમેન્ટમાં સક્રિય રીતે સામેલ થયા છે. સપ્ટેમ્બર ૨૦૨૩માં, તેમણે મુંબઈ (Mumbai)ના અંધેરી (Andheri) વેસ્ટમાં સિગ્નેચર બિલ્ડિંગમાં ૨૯ કરોડ રૂપિયામાં ૮,૪૦૦ ચોરસ ફૂટમાં ફેલાયેલા ચાર ઓફિસ યુનિટ ખરીદ્યા, અને જૂન ૨૦૨૪માં, તેમણે તે જ બિલ્ડિંગમાં લગભગ ૬૦ કરોડ રૂપિયામાં ત્રણ વધારાના યુનિટ ખરીદ્યા. ડિસેમ્બર ૨૦૨૩માં અભિનેતાએ તે વર્ષની શરૂઆતમાં ખરીદેલા ચાર કોમર્શિયલ યુનિટ ભાડે આપ્યા. તે વોર્નર મ્યુઝિક પ્રાઇવેટ લિમિટેડ (Warner Music Pvt Ltd)ને ૧૭.૩૦ લાખ રૂપિયાના માસિક ભાડા પર ભાડે આપવામાં આવ્યા હતા.
ઓક્ટોબર ૨૦૨૪માં, અમિતાભ અને તેમના પુત્ર અભિષેક બચ્ચન (Abhishek Bachchan)એ સાથે મુંબઈના મુલુંડ (Mulund) વિસ્તારમાં ઓબેરોય ઇટર્નિયા (Oberoi Eternia) પ્રોજેક્ટમાં ૨૪.૯૫ કરોડ રૂપિયામાં ૧૦ એપાર્ટમેન્ટ ખરીદ્યા.
જાન્યુઆરી ૨૦૨૫માં, બચ્ચને મુંબઈના અંધેરી વિસ્તારમાં ૫,૧૮૫ ચોરસ ફૂટનો ડુપ્લેક્સ એપાર્ટમેન્ટ ૮૩ કરોડ રૂપિયામાં વેચ્યો હતો. તેમણે એપ્રિલ ૨૦૨૧માં આ મિલકત ૩૧ કરોડ રૂપિયામાં ખરીદી હતી.
એટલું જ નહીં, પીઢ અભિનેતા અમિતાભ બચ્ચને એપ્રિલ ૨૦૨૪માં અલીબાગ (Alibaug)માં ૧૦ કરોડ રૂપિયામાં ૧૦,૦૦૦ ચોરસ ફૂટ જમીન પણ ખરીદી હતી.
