એસઍન્ડપી ગ્લોબલ રેટિંગ્સના મતે આ વર્ષે ૭.૩ ટકાનો જીડીપી ગ્રોથ જોવા મળશે
પ્રતીકાત્મક તસવીર
એસઍન્ડપી ગ્લોબલ રેટિંગ્સે ગુરુવારે જણાવ્યું હતું કે ભારતે ચક્રીય મુશ્કેલીઓ સામે બફર્સ રિઝર્વ બનાવ્યાં છે અને ક્રેડિટ યોગ્યતા પર દબાણનો સામનો કરવા માટે પૂરતું ફૉરેક્સ રિઝર્વ છે.
ઇન્ડિયા ક્રેડિટ સ્પૉટલાઇટ ૨૦૨૨ વેબિનારમાં બોલતાં એઍન્ડપી સૉવરિન અને ઇન્ટરનૅશનલ પબ્લિક ફાઇનૅન્સ રેટિંગ્સ ડિરેક્ટર ઍન્ડ્ર્યુ વુડે જણાવ્યું હતું કે દેશ પાસે મજબૂત બાહ્ય બૅલૅન્સશીટ અને મર્યાદિત બાહ્ય દેવું છે, જેને કારણે ડેટ સર્વિસિંગ એટલી મોંઘી નથી.
વુડે કહ્યું કે રેટિંગ એજન્સીને અપેક્ષા નથી કે નજીકના ગાળાના દબાણથી ભારતની ક્રેડિટ યોગ્યતા પર ગંભીર અસર પડશે. અમે આ નાણાકીય વર્ષમાં ૭.૩ ટકાના જીડીપી વૃદ્ધિના મજબૂત સ્તરની અપેક્ષા રાખીએ છીએ. તેમણે ઉમેર્યું હતું કે અમેરિકન ડૉલર સામે રૂપિયાના વિનિમય દરની ગતિ મધ્યમ રહી છે.
ADVERTISEMENT
વુડે જણાવ્યું કે ભારત પાસે એનું ફૉરેક્સ રિઝર્વ માટે ‘પૂરતો બફર’ છે અને આ વર્ષના અંત સુધી ફૉરેક્સ રિઝર્વ ૬૦૦ અબજ ડૉલર સુધી ફરી પહોંચવાની ધારણા છે. ૧૨ ઑગસ્ટ સુધી ફૉરેક્સ રિઝર્વ ૫૭૦.૭૪ અબજ ડૉલર થયું હતું. અમેરિકા સ્થિત એજન્સીએ સ્થિર આઉટલુક સાથે ભારત પર ‘BBB-’ રેટિંગ ધરાવે છે.