મહિલા ટીમ પર આજે ક્વૉર્ટર ફાઇનલ મૅચ જીતવાનું પ્રેશર
પ્રી-ક્વૉર્ટર ફાઇનલ મૅચ દરમ્યાન સર્વિસ કરતી વખતે માનવ ઠક્કર
ગઈ કાલે હરમીત દેસાઈ, માનવ ઠક્કર અને શરથ કમલની મેન્સ ટેબલ ટેનિસ ટીમ પૅરિસ ઑલિમ્પિક્સમાં પ્રી-ક્વૉર્ટર ફાઇનલમાં ચીનની ટીમ સામે ૩-૦થી હારી ગઈ હતી. આજે મનિકા બત્રાની આગેવાનીમાં મહિલા ટીમ બપોરે ૧.૩૦ વાગ્યાથી જર્મની સામે ક્વૉર્ટર ફાઇનલ મૅચ રમવા ઊતરશે. મહિલા ટીમ પર આજે જીતવાનું પ્રેશર રહેશે; કારણ કે આ અગાઉ હરમીત દેસાઈ, શરથ કમલ, મનિકા બત્રા અને શ્રીજા અકુલા સિંગલ્સ ઇવેન્ટમાં મેડલ જિતાડવામાં નિષ્ફળ રહ્યાં છે.
