ભારતમાં આયોજિત એશિયન ચૅમ્પિયન્સ ટ્રોફી માટે પાકિસ્તાનની તટસ્થ સ્થળની અપીલ ફગાવી દેવાઈ

ભારતમાં આયોજિત એશિયન ચૅમ્પિયન્સ ટ્રોફી માટે પાકિસ્તાનની તટસ્થ સ્થળની અપીલ ફગાવી દેવાઈ

પ્રતીકાત્મક ફાઇલ તસવીર

પાકિસ્તાને એશિયન હૉકી ફેડરેશન (AHF)ને વિનંતી કરી છે કે આગામી એશિયન ચૅમ્પિયન્સ ટ્રોફીની તેમની મૅચો કોઈ તટસ્થ સ્થળ પર ખસેડવામાં આવે જેથી તેમની ટીમ કોઈ પણ અવરોધ વિના ટુર્નામેન્ટમાં ભાગ લઈ શકે. સંવેદનશીલ દ્વિપક્ષીય સ્થિતિને ટાંકીને ભારતમાં ટૂર ન કરવાનો નિર્ણય લીધા પછી પાકિસ્તાને આ અપીલ કરી હતી.

હૉકી ઇન્ડિયાના સેક્રેટરી જનરલ અને એશિયન હૉકી ફેડરેશન (AHF)ના વાઇસ-પ્રેસિડન્ટ ભોલાનાથ સિંહ કહે છે કે ‘આવી કોઈ અપીલ સ્વીકારવામાં આવશે નહીં. સ્થળમાં કોઈ ફેરફાર થશે નહીં. પાકિસ્તાને અગાઉ પણ આવું કર્યું છે.’

ADVERTISEMENT

ગયા વર્ષે સુરક્ષાની સ્થિતિ વિશેની ચિંતાઓને ટાંકીને પાકિસ્તાન FIH જુનિયર વર્લ્ડ કપ અને તામિલનાડુમાં યોજાયેલી એશિયા કપમાંથી ખસી ગયું હતું.