રોનાલ્ડો ઇન્સ્ટાગ્રામ પર સૌથી પાવરફુલ પ્લેયર

પોર્ટુગલના સુપરસ્ટારના ૪૮ કરોડ ફૉલોઅર્સ : વર્લ્ડ કપ પહેલાં ફ્રાન્સની ટીમ સૌથી વધુ લોકપ્રિય

ક્રિસ્ટિઆનો રોનાલ્ડો

૨૦ નવેમ્બરે કતારમાં શરૂ થનારા ફિફા મેન્સ વર્લ્ડ કપમાં રમનારા ખેલાડીઓમાંથી પોર્ટુગલનો ફુટબોલર ક્રિસ્ટિઆનો રોનાલ્ડો સૌથી પાવરફુલ છે એવું તમામ પ્લેયર્સના ફૉલોઅર્સની સંખ્યા, ફૉલોઅર્સની સંખ્યાની વૃદ્ધિ તથા ઍવરેજ બ્રૅન્ડ વૅલ્યુના આંકડા પરથી જાહેર કરાયું છે. છેલ્લા એક વર્ષમાં તેના ફૉલોઅર્સમાં ૪૮ ટકાનો વધારો થયો હતો. મીડિયા વૅલ્યુની બાબતમાં પોસ્ટદીઠ રોનાલ્ડોની ઍવરેજ ૩૫ લાખ ડૉલર છે, જે હાઇએસ્ટ હોવાનું વિશ્લેષક નિલ્સન ગ્રેસનોટે જણાવ્યું છે.

ગઈ કાલે bbc.comના અહેવાલ મુજબ ઇન્સ્ટાગ્રામ પર રોનાલ્ડોના કુલ ફૉલોઅર્સની સંખ્યા ૪૮ કરોડ છે. એ પછી આર્જેન્ટિનાના લિયોનેલ મેસીનો નંબર છે. મેસીના ૩૬ કરોડ ફૉલોઅર્સ છે અને છેલ્લા એક વર્ષમાં તેના ફૉલોઅર્સની સંખ્યામાં ૩૮ ટકાનો વધારો થયો છે. મીડિયા વૅલ્યુમાં મેસીની ઍવરેજ ૨૬ લાખ ડૉલર છે. મેસી પછી પૅરિસ સેન્ટ-જર્મેઇન (પીએસજી)ના જ ખેલાડીઓ નેમાર અને કીલિયાન ઍમ્બપ્પે અનુક્રમે ત્રીજા તથા ચોથા નંબરે છે.

ADVERTISEMENT

થોડા સમય પહેલાં ચૅમ્પિયન્સ લીગની લિવરપુલ સામેની ફાઇનલમાં રિયલ મૅડ્રિડ વતી વિનિંગ ગોલ કરનાર બ્રાઝિલના વિનિસિયસ જુનિયરના ફૉલોઅર્સમાં સૌથી વધુ ૯૦ ટકાની વૃદ્ધિ થઈ છે.
વર્લ્ડ કપમાં રમનારી ટીમોની બાબતમાં ફ્રાન્સ સોશ્યલ મીડિયા પર સૌથી પાવરફુલ બની રહેશે એવી ધારણા છે. ફ્રાન્સની ફુટબૉલ ટીમના ઇન્સ્ટાગ્રામ પરના સત્તાવાર પેજ પર હાલમાં હાઇએસ્ટ ૧.૧૭ કરોડ ફૉલોઅર્સ છે. બીજા નંબરની બ્રાઝિલની ટીમના ૧.૧૩ કરોડ અને ત્રીજા નંબરની પોર્ટુગલની ટીમના ૧.૦૩ ફૉલોઅર્સ છે.

બાર્સેલોનાએ ૭૮૩ કરોડ રૂપિયાનો નફો કર્યો

સ્પેનની ટોચની બાર્સેલોના ફુટબૉલ ક્લબે ગયા નાણાકીય વર્ષ દરમ્યાન કુલ ૮.૬ કરોડ પાઉન્ડ (૭૮૩ કરોડ રૂપિયા)નો નફો કર્યો હોવાનું બીબીસીની વેબસાઇટના અહેવાલમાં જણાવાયું હતું. આ ક્લબ ૨૦૨૨ના વર્ષમાં ૨૪ કરોડ પાઉન્ડ (૨૨૦૦ કરોડ રૂપિયા)નો નફો કરવાની ધારણા રાખે છે. બાર્સેલોનાએ આ સીઝનમાં પોલૅન્ડના વિશ્વવિખ્યાત ફુટબોલર રૉબર્ટ લેવાન્ડોવ્સ્કીને અને બ્રાઝિલના રાફિન્હાને સાઇન કર્યા છે. લા લીગા લીગમાં બાર્સેલોના ટીમ રિયલ મૅડ્રિડ પછી બીજા નંબરે છે.

ડબલ હેડર

આર્જેન્ટિનાના પાટનગર બ્યુનસ આયરસમાં સોમવારે આર્જેન્ટિન પ્રોફેશનલ ફુટબૉલ લીગ ટુર્નામેન્ટમાં હુરેકેન્સ ક્લબની ટીમના મિડફીલ્ડર ફ્રાન્કો ક્રિસ્ટાલ્ડો (ડાબે)ના હેડર માટેના પ્રયાસ વખતે હરીફ ટીમ બોકા જુનિયર્સનો ફૅકુન્ડો રૉન્કેગ્લિયા પણ હેડરના પ્રયત્નમાં ટકરાયો હતો. ખરેખર તો ફૅકુન્ડોએ ફ્રાન્કોના ખભા પર હાથ મૂકીને બૉલ પર કબજો કરવાની કોશિશ કરી હતી. આ મૅચ ૦-૦થી ડ્રૉ ગઈ હતી.  એ.એફ.પી.