ઈડન ગાર્ડન્સમાં લીધી ૬૯ વિકેટ : આ પહેલાં લસિથ મલિન્ગાએ વાનખેડે સ્ટેડિયમમાં ૬૮ વિકેટ લીધી હતી
IPL 2024
સુનીલ નારાયણ
સોમવારે ઈડન ગાર્ડન્સમાં રમાયેલી ઇન્ડિયન પ્રીમિયર લીગ (IPL)ની ૪૭મી મૅચમાં કોલકાતા નાઇટ રાઇડર્સે ૭ વિકેટથી જીત મેળવી હતી. દિલ્હી કૅપિટલ્સે ૯ વિકેટ ગુમાવીને ૧૫૪ રનનો ટાર્ગેટ આપ્યો હતો, જેને કૅપ્ટન શ્રેયસ ઐયરની ટીમે ૩ વિકેટના નુકસાન સાથે ૧૬.૩ ઓવરમાં ૧૫૭ રન બનાવીને ચેઝ કરી લીધો હતો. આ સાથે રિષભ પંતની ટીમને જીતની હૅટ-ટ્રિક કરતાં રોકીને કલકત્તાની ટીમ જીતના ટ્રૅક પર પરત ફરી હતી. ઈજાને કારણે કેટલીક મૅચ માટે બહાર રહેનાર કલકત્તાના સૌથી મોંઘા IPL ખેલાડી મિચલ સ્ટાર્કે ૩ ઓવરમાં માત્ર ૧ વિકેટ લીધી હતી. તે ૧૪.૩૩ના ઇકૉનૉમી-રેટથી ૪૩ રન આપીને આ મૅચમાં સૌથી ખર્ચાળ બોલર બન્યો હતો. IPL ઇતિહાસમાં તેણે પાવરપ્લેમાં ૧૮ ઓવર ફેંકીને ૨૦૦ રન આપીને માત્ર ૪ વિકેટ ઝડપી છે. ઇમ્પૅક્ટ પ્લેયર વરુણ ચક્રવર્તી ૪ ઓવરમાં ૧૬ રન આપીને ૩ વિકેટ લઈને પ્લેયર ઑફ ધ મૅચ બન્યો હતો.
કલકત્તાના ઓપનર ફિલ સૉલ્ટે ૭ ચોગ્ગા અને ૫ સિક્સરની મદદથી ૬૮ રન ફટકારીને બે રેકૉર્ડ પોતાને નામે કર્યા હતા. ૧૭મી સીઝનમાં ૬ ઇનિંગ્સમાં ૩૪૪ રન બનાવી તે ઈડન ગાર્ડન્સમાં એક સીઝનમાં સૌથી વધારે રન બનાવનાર બૅટ્સમૅન બન્યો હતો. આ પહેલાં ૨૦૧૦માં સૌરવ ગાંગુલીએ ૭ ઇનિંગ્સમાં ૩૩૧ રન ફટકાર્યા હતા. તે એક મૅચમાં પાવરપ્લેમાં સૌથી વધુ ૬૦ રન ફટકારનાર કલકત્તાનો પ્રથમ બૅટ્સમૅન બન્યો હતો. આ પહેલાં સુનીલ નારાયણે ૨૦૧૭માં બૅન્ગલોર સામે પાવરપ્લેમાં ૫૪ રન ફટકાર્યા હતા.
ADVERTISEMENT
આ મૅચમાં ઑલરાઉન્ડર સુનીલ નારાયણે દિગ્ગજ શ્રીલંકન બોલર લસિથ મલિન્ગાનો મોટો રેકૉર્ડ તોડ્યો હતો. આ મૅચમાં ૧ વિકેટ લઈને તે એક ક્રિકેટ સ્ટેડિયમમાં સૌથી વધારે IPL વિકેટ લેનાર બોલર બન્યો હતો. તેણે ઈડન ગાર્ડન્સમાં કુલ ૬૯ વિકેટ લીધી છે, જ્યારે ભૂતપૂર્વ મુંબઈ ઇન્ડિયન્સના બોલર લસિથ મલિન્ગાએ મુંબઈના વાનખેડે સ્ટેડિયમમાં સૌથી વધારે ૬૮ વિકેટ લીધી હતી.
35
આટલા રન નવમા ક્રમે આવીને કુલદીપ યાદવે બનાવ્યા. હરભજન સિંહ (૪૯ રન) બાદ આ ક્રમે સૌથી વધારે રન એક ઇનિંગ્સમાં બનાવનાર બીજો ખેલાડી બન્યો કુલદીપ યાદવ
22
આટલી વિકેટ IPL 2024માં કલકત્તાના સ્પિનરોએ લીધી છે
IPLમાં કોઈ ચોક્કસ સ્થળ |
||
વિકેટ |
સ્ટેડિયમ |
બોલર |
૬૯ |
ઈડન ગાર્ડન્સ |
સુનીલ નારાયણ |
૬૮ |
વાનખેડે |
લસિથ મલિન્ગા |
૫૮ |
દિલ્હી |
અમિત મિશ્રા |
૫૨ |
બૅન્ગલોર |
યુઝવેન્દ્ર ચહલ |
૪૯ |
વાનખેડે |
હરભજન સિંહ |