એન્જિનિયરિંગનો અભ્યાસ કરી ચૂકેલો મહેશ કુમાર ભારતીય ટીમ અને ગુજરાત ટાઇટન્સનાં પ્રૅક્ટિસ સેશનમાં પણ નેટ બોલર રહ્યો હતો
મહેશ કુમારની તસવીર
ખરાબ બોલિંગને કારણે ઇન્ડિયન પ્રીમિયર લીગ (IPL)ની ૧૭મી સીઝનમાં કંગાળ પ્રદર્શન કરનાર રૉયલ ચૅલેન્જર્સ બેન્ગલુરુ પાસે જસપ્રીત બુમરાહનો ડુપ્લિકેટ છે જે તેની જ સ્ટાઇલમાં બોલિંગ કરે છે. વિરાટ ઍન્ડ કંપનીએ કર્ણાટકના ૨૭ વર્ષના મહેશ કુમારને નેટ બોલર તરીકે પોતાની સાથે રાખ્યો છે. જસપ્રીત બુમરાહની જેમ ૧૪ સ્ટેપ દોડીને આઇકૉનિક સ્ટાઇલમાં બોલિંગ કરતા આ બોલરે ૨૦૧૮માં પણ બૅન્ગલોર માટે નેટ બોલરની ભૂમિકા ભજવી હતી. એન્જિનિયરિંગનો અભ્યાસ કરી ચૂકેલો મહેશ કુમાર ભારતીય ટીમ અને ગુજરાત ટાઇટન્સનાં પ્રૅક્ટિસ સેશનમાં પણ નેટ બોલર રહ્યો હતો. મહેશ કુમારનો બોલિંગ સ્ટાઇલનો જૂનો વિડિયો હાલમાં સોશ્યલ મીડિયા પર વાઇરલ થયો છે.
