° °

આજનું ઇ-પેપર
Thursday, 30 June, 2022


મુંબઈ જેવી દામ્બુલાની પિચ પર જેમાઇમા પ્લેયર ઑફ ધ મૅચ

24 June, 2022 12:47 PM IST | Mumbai
Gujarati Mid-day Correspondent | feedbackgmd@mid-day.com

અણનમ ૩૬ રને જિતાડતાં ભારતે શ્રીલંકામાં ટી૨૦માં અપરાજિત રહેવાનો રેકૉર્ડ જાળવી રાખ્યો ઃ ઑપનર શેફાલી વર્માએ પહેલી વાર બોલિંગ કરી અને ૧ વિકેટ લીધી

જેમાઇમા રૉડ્રિગ્સ IND-W vs SL-W

જેમાઇમા રૉડ્રિગ્સ

હરમનપ્રીત કૌરના સુકાનમાં ભારતની મહિલા ટીમે ગઈ કાલે દામ્બુલામાં શ્રીલંકાની વિમેન્સ ટીમને સિરીઝની પહેલી ટી૨૦માં ૩૪ રનથી હરાવી ત્યાર પછી પ્લેયર ઑફ ધ મૅચ જેમાઇમા રૉડ્રિગ્સે (૩૬ અણનમ, ૨૭ બૉલ, એક સિક્સર, ત્રણ ફોર) કહ્યું કે ‘મને આ પિચ પર રમવાનું ખૂબ ગમ્યું. હું મુંબઈમાં રહું છું અને અહીંની પિચ ત્યાંના જેવી જ હતી. હું આવી પિચો પર રમવા ટેવાયેલી છું. મને શ્રીલંકા ખૂબ જ પ્રિય છે અને અહીં રમવા આવવું મને ખૂબ ગમ્યું છે. હું તો ભારતથી વિમાનમાં બેઠી ત્યારથી અહીં આવવા તત્પર હતી.’

ભારતે ૨૦ ઓવરમાં ૬ વિકેટે ૧૩૬ રન બનાવ્યા પછી શ્રીલંકાની ટીમ ૨૦ ઓવરમાં પાંચ વિકેટે ૧૦૪ રન બનાવી શકી હતી. રાધા યાદવે બે તેમ જ દીપ્તિ શર્મા, પૂજા વસ્ત્રાકર અને શેફાલી વર્માએ એક-એક વિકેટ લીધી હતી. શેફાલીએ પહેલી જ વાર બોલિંગ કરીને ઑફ-સ્પિનમાં કરીઅરની પ્રથમ વિકેટ લીધી હતી.

ભારત સિરીઝમાં ૧-૦થી આગળ થયું છે. ભારતીય મહિલા ટીમે શ્રીલંકામાં અપરાજિત રહેવાનો રેકૉર્ડ જાળવી રાખ્યો છે. શ્રીલંકા ઘરઆંગણે ભારતની વિમેન્સ ટીમને ટી૨૦માં ક્યારેય નથી હરાવી શકી. છેલ્લે તેઓ ૨૦૧૪માં ભારતમાં ભારત સામે જીતી હતી. ભારત સામેની કુલ ૧૯ મૅચમાં શ્રીલંકા ફક્ત ૩ મૅચ જીત્યું છે.

શેફાલીના ૩૧ બૉલમાં ૩૧ રન
ભારતના ૧૩૮ રનમાં પાંચમા નંબરની બૅટર જેમાઇમા ઉપરાંત ઓપનર શેફાલી વર્મા (૩૧ રન, ૩૧ બૉલ, ચાર ફોર), હરમનપ્રીત (૨૨ રન, ૨૦ બૉલ, ત્રણ ફોર), પૂજા વસ્ત્રાકર (૧૪ રન, ૧૨ બૉલ, બે ફોર) અને દીપ્તિ શર્મા (૧૭ અણનમ, ૮ બૉલ, ત્રણ ફોર)નનાં યોગદાન પણ હતાં. શ્રીલંકાની ઇનોકા રણવીરાએ સૌથી વધુ ત્રણ વિકેટ લીધી હતી. શ્રીલંકાના ૧૦૪ રનમાં કવિશા દિલહારીના અણનમ ૪૭ રન હાઇએસ્ટ હતા. 

૨૦મી ઓવરમાં બન્યા ૨૦ રન
ભારતે ૨૦મી ઓવરમાં ૨૦ રન બનાવ્યા હતા. દીપ્તિ શર્માએ દિલહારીની એ ઓવરના ત્રણ બૉલમાં ત્રણ ફોર (હૅટ-ટ્રિક ફોર) ફટકારી હતી. ઇનિંગ્સના આખરી બૉલમાં જેમાઇમાએ છગ્ગો ફટકાર્યો હતો.

14
ગઈ કાલે કુલ આટલી બોલર્સે બોલિંગ કરી હતી જેમાંથી ૭ શ્રીલંકાની અને ૭ ભારતની હતી. યોગાનુયોગ કુલ ૭ બોલર્સને વિકેટ મળી હતી અને ૭ બોલર્સ વિકેટ વિનાની હતી.

1
ગઈ કાલની મૅચમાં માત્ર આટલી સિક્સર ફટકારાઈ હતી અને એ ભારતની જેમાઇમા રૉડ્રિગ્સે ભારતની ઇનિંગ્સના છેલ્લા બૉલમાં ફટકારી હતી.

"શ્રીલંકાના અગાઉના પ્રવાસ પછી મારી કરીઅરમાં ઉતાર-ચડાવ આવતા રહ્યા હતા. મેં રોહિત શર્મા અને રિષભ પંત સાથે ચર્ચા કરી હતી, જેમાં તેમણે મને કહ્યું કે નિરાશાનો તબક્કો જ કારકિર્દીને નવો વળાંક અપાવશે. વર્લ્ડ કપ પહેલાં ટીમમાંથી ડ્રૉપ થવાની હતાશાને દિલ પર ન લેવાની અને ભવિષ્ય વિશે સકારાત્મક વલણ રાખવાની તેમણે મને સલાહ આપી હતી. તેમની સાથે ચર્ચા કરવા મળી એ બદલ હું પોતાને ભાગ્યશાળી માનું છું." : જેમાઇમા રૉડ્રિગ્સ

24 June, 2022 12:47 PM IST | Mumbai | Gujarati Mid-day Correspondent

અન્ય લેખો

ક્રિકેટ

મૉર્ગન પહેલી મૅચ સ્કૉટલૅન્ડમાં આયરલૅન્ડ વતી રમ્યો

બે ઝીરોએ ઇંગ્લૅન્ડના ક્રિકેટ-હીરોની કરીઅર પર પડદો પડાવ્યો : બટલર બનશે મૉર્ગનનો અનુગામી

29 June, 2022 11:12 IST | Mumbai | Gujarati Mid-day Correspondent
ક્રિકેટ

વીરુના ટી૨૦ વર્લ્ડ કપ ટૉપ ઑર્ડરમાં કોહલીને ‘નો એન્ટ્રી’

આ વર્ષે ઑક્ટોબર-નવેમ્બરમાં ઑસ્ટ્રેલિયામાં રમાનારા ટી૨૦ વર્લ્ડ કપમાં કેવા અને કયા ખેલાડીઓનો સમાવેશ કરવો એ વિશે ભારતના ક્રિકેટ-નિષ્ણાતો પોતપોતાનાં મંતવ્ય આપી રહ્યા છે

29 June, 2022 11:05 IST | Mumbai | Gujarati Mid-day Correspondent
ક્રિકેટ

૨૦૨૩ની આઇપીએલ માટે મુંબઈ ઇન્ડિયન્સ ટીમની અત્યારથી પૂર્વતૈયારી

આ ફ્રૅન્ચાઇઝી ઇન્ટરનૅશનલ ક્રિકેટ ન રમ્યા હોય એવા ડોમેસ્ટિક પ્લેયર્સને ત્રણ અઠવાડિયાં માટે ઇંગ્લૅન્ડ લઈ જશે

29 June, 2022 10:59 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK