૨૯૩ના ટાર્ગેટ સામે કાંગારૂ ટીમ માત્ર ૫૭ રનમાં આૅલઆઉટ
ફાઇલ તસવીર
નવી દિલ્હીમાં ચાલી રહેલા બ્લાઇન્ડ વિમેન્સ T20 વર્લ્ડ કપમાં ભારતની ટીમે ફૉર્મ જાળવી રાખતાં ગઈ કાલે ઑસ્ટ્રેલિયાને ૨૦૯ રનથી કચડી નાખ્યું હતું. પ્રથમ બૅટિંગ કરતાં ભારતીય ટીમે કૅપ્ટન દીપિકા ટીસીના ૫૮ બૉલમાં ૯૧ અને ફુલા સરેનના આક્રમક ૨૨ બૉલમાં અણનમ ૫૪ રનની મદદથી ૨૦ ઓવરમાં ૪ વિકેટે ૨૯૨ રન બનાવ્યા હતા. ઑસ્ટ્રેલિયન ટીમ ૧૯.૩ ઓવરમાં માત્ર ૫૭ રન બનાવીને ઑલઆઉટ થઈ ગઈ હતી. દીપિકાને પ્લેયર ઑફ ધ મૅચ જાહેર કરવામાં આવી હતી.
અન્ય એક મૅચમાં નેપાલની ટીમે શ્રીલંકાને ૯ વિકેટે પરાસ્ત કરી હતી.
