મેન ઇન બ્લુએ ઑસ્ટ્રેલિયાને સિરીઝની પ્રથમ ટેસ્ટમાં એક દાવ અને ૧૩૨ રનથી હરાવવાની સાથે મોખરાનો રૅન્ક મેળવ્યો છે.
રોહિત શર્મા અને વિરાટ કોહલી
ભારતે ટેસ્ટના રૅન્કિંગ્સમાં પણ ગઈ કાલે નંબર-વનનો રૅન્ક મેળવી લીધો એ સાથે ભારતીય ક્રિકેટરો આ જેન્ટલમેન્સ ગેમનાં ત્રણેય ફૉર્મેટમાં નંબર-વન થઈ ગયા છે. મેન ઇન બ્લુએ ઑસ્ટ્રેલિયાને સિરીઝની પ્રથમ ટેસ્ટમાં એક દાવ અને ૧૩૨ રનથી હરાવવાની સાથે મોખરાનો રૅન્ક મેળવ્યો છે.
ભારત ઘણા સમયથી ટી૨૦માં નંબર-વન છે અને ગયા મહિને ન્યુ ઝીલૅન્ડ સામેની ઓડીઆઇ સિરીઝ ૩-૦થી જીતી લઈને વન-ડેમાં પણ અવ્વલ રૅન્ક મેળવ્યો હતો. ટેસ્ટમાં ભારતના ૧૧૫ સામે બીજા નંબરના ઑસ્ટ્રેલિયાના ૧૧૧ રેટિંગ પૉઇન્ટ છે. ટી૨૦માં ભારત (૨૬૭) પ્રથમ નંબરે અને ઇંગ્લૅન્ડ (૨૬૬) બીજા નંબરે છે. વન-ડેમાં ભારત (૧૧૪) પહેલા સ્થાને અને ઑસ્ટ્રેલિયા (૧૧૨) બીજા સ્થાને છે.
ADVERTISEMENT
2
અશ્વિન ટેસ્ટ-બોલર્સના રૅન્કિંગ્સમાં આટલા નંબર પર આવી ગયો છે. જાડેજાનો રૅન્ક સુધરીને ૧૬ થઈ ગયો છે.