થાઇલૅન્ડના બૅન્ગકૉકમાં રમાનારી આ ટુર્નામેન્ટના ગ્રુપ Aમાં ભારત A ટીમ, પાકિસ્તાન A ટીમ, નેપાલ, યુનાઇટેડ આરબ એમિરેટ્સ (UAE) અને ગ્રુપ Bમાં બંગલાદેશ A ટીમ, શ્રીલંકા A ટીમ, થાઇલૅન્ડ અને મલેશિયાનો સમાવેશ કરવામાં આવ્યો છે.
પ્રતિકાત્મક ફાઇલ તસવીર
એશિયન ક્રિકેટ કાઉન્સિલ (ACC)એ ગઈ કાલે વિમેન્સ રાઇઝિંગ સ્ટાર એશિયા કપ 2026ના શેડ્યુલની જાહેરાત કરી હતી. ૨૦૨૩માં વિમેન્સ ઇમર્જિંગ એશિયા કપ નામથી શરૂ થયેલી આ ટુર્નામેન્ટમાં ભારતીય ટીમ એકમાત્ર ચૅમ્પિયન ટીમ છે. બીજી સીઝન વિમેન્સ રાઇઝિંગ સ્ટાર એશિયા કપ તરીકે ઓળખાશે.
થાઇલૅન્ડના બૅન્ગકૉકમાં રમાનારી આ ટુર્નામેન્ટના ગ્રુપ Aમાં ભારત A ટીમ, પાકિસ્તાન A ટીમ, નેપાલ, યુનાઇટેડ આરબ એમિરેટ્સ (UAE) અને ગ્રુપ Bમાં બંગલાદેશ A ટીમ, શ્રીલંકા A ટીમ, થાઇલૅન્ડ અને મલેશિયાનો સમાવેશ કરવામાં આવ્યો છે.
૧૩થી ૧૮ ફેબ્રુઆરી દરમ્યાન ગ્રુપ-સ્ટેજની મૅચ રમાશે. ૨૦ ફેબ્રુઆરીએ બે સેમી ફાઇનલ મૅચ અને ૨૨ ફેબ્રુઆરીએ ફાઇનલ મૅચ રમાશે. ભારતની ટીમ ૧૩ ફેબ્રુઆરીએ UAE, ૧૫ ફેબ્રુઆરીએ પાકિસ્તાન અને ૧૭ ફેબ્રુઆરીએ નેપાલની સામે ટકરાશે.
