૧ બૉલમાં માત્ર ૧ રન જોઈતો હતો ત્યારે છેલ્લી વિકેટ પડી: કાઉન્ટી ક્રિકેટમાં ૬ વર્ષ પછી મૅચ ડ્રૉ થઈ
કાઉન્ટી ક્રિકેટ
ઇંગ્લૅન્ડની કાઉન્ટી ક્રિકેટમાં ગઈ કાલે ગ્લેમર્ગન અને ગ્લોસસ્ટરશર વચ્ચે રોમાંચક મૅચ રમાઈ હતી. કાઉન્ટી ચૅમ્પિયનશિપની આ મૅચ જીતવા માટે ગ્લેમર્ગને ચોથી ઇનિંગ્સમાં ૫૯૩ રન બનાવવાના હતા, પરંતુ આ ટાર્ગેટના જવાબમાં એ ૫૯૨ રન બનાવીને ઑલઆઉટ થઈ ગઈ હતી. જો આ ટાર્ગેટ મેળવી લીધો હોત તો એ કાઉન્ટી ચૅમ્પિયનશિપના ઇતિહાસમાં સૌથી મોટી રન-ચેઝ હોત, પરંતુ ગ્લેમર્ગનને ઇતિહાસ રચતા અટકાવવા માટે ગ્લોસસ્ટરશરના વિકેટકીપર જેમ્સ બ્રેસીએ કરિશ્માપૂર્ણ કૅચ લીધો હતો. જોકે તેમણે કાઉન્ટી ચૅમ્પિયનશિપમાં ચોથી ઇનિંગ્સનો સૌથી મોટો સ્કોર નોંધાવ્યો હતો. ગ્લેમર્ગનની ૯ વિકેટ પડી ગઈ હતી પણ અંતિમ એક બૉલમાં જીત માટે એક રનની જરૂર હતી. ૬ વર્ષ બાદ આ ટુર્નામેન્ટમાં કોઈ મૅચ ડ્રૉ થઈ હતી.
