પક્ષીની ઓળખ સૌપ્રથમ ૧૯૫૬માં જ્યારે એણે ઈંડાં આપ્યાં ત્યારે થઈ હતી
વિઝડમ નામનું પક્ષી
પૅસિફિક પ્રદેશના યુ. એસ. ફિશ ઍન્ડ વાઇલ્ડલાઇફ સર્વિસ (યુએસએફડબ્લ્યુએસ) પૅસિફિક, વિભાગ યુએસએફડબ્લ્યુએસએ ટ્વિટર પર વિશ્વના સૌથી જૂના કે વયસ્ક મનાતા પક્ષી વિશે ફોટો સહિત માહિતી શૅર કરી છે. વિઝડમ નામનું આ પક્ષી લેસન અલ્બાટ્રોસ છે. જીવવિજ્ઞાનીઓના મતે એની ઉંમર ઓછામાં ઓછી ૭૧ વર્ષ છે. પક્ષીની ઓળખ સૌપ્રથમ ૧૯૫૬માં જ્યારે એણે ઈંડાં આપ્યાં ત્યારે થઈ હતી. આ દરિયાઈ પક્ષી પાંચ વર્ષની વય પહેલાં ઈંડાં આપતાં નથી.
વિશ્વનું સૌથી વૃદ્ધ મનાતું આ પક્ષી હાલમાં જ મિડવે એટોલ એ યુનાઇટેડ સ્ટેટ્સના ઇન્સ્યુલર વિસ્તાર મિડવે એટોલ ખાતે જોવા મળ્યું હતું. યુએસએફડબ્લ્યુએસ વિભાગ દ્વારા આ પક્ષી કેવી રીતે મળ્યું એની માહિતી આપવામાં આવી છે, જે મુજબ પરિચિત બૅન્ડ નંબર ધરાવતું આ પક્ષી માળો બનાવવાની મોસમમાં થૅન્ક્સગિવિંગ ડેના દિવસે જોવા મળ્યું હતું. એનો લાંબા સમયનો જોડીદાર જોકે હજી સુધી જોવા મળ્યો નહતો, જે ગયા વર્ષે પણ નહોતો દેખાયો. સામાન્યપણે નરપક્ષી બ્રીડિંગના સ્થળે સૌ પહેલાં આવી જતું હોય છે. વિઝડમ પક્ષી એકી સમયે ૫૦-૬૦ ઈંડાં આપે છે અને ૩૦ બચ્ચાં જીવનકાળ પૂર્ણ કરે છે.
