‍લગ્નના ઘરમાં બ્લિન્કિટના ડિલિવરી એજન્ટને આપવા કૅશ નહોતી તો ૨૧૦૦ રૂપિયાની નોટોની માળા પહેરાવી દીધી

બિલ ૨૦૦૦ રૂપિયાનું હતું અને ૨૧૦૦ રૂપિયાની ચલણી નોટોનો હાર હતો

વાઇરલ વિડીયોમાંથી સ્ક્રીનશૉટ

જે ઘરમાં લગ્ન લેવાયાં હોય ત્યાં ચોતરફ ખુશીનો માહોલ હોય, પરંતુ છેલ્લી ઘડીની તૈયારીઓમાં કેટલીક ચીજોની જરૂર પડે ત્યારે ભાગદોડ પણ ઘણી હોય. જોકે એવામાં ઝટપટ ડિલિવરી પ્લૅટફૉર્મ્સ બહુ કામ આવે. સોશ્યલ મીડિયા પર આવી જ એક ઘટનાનો મજેદાર વિડિયો વાઇરલ થયો છે. એમાં લગ્નની દોડધામ વચ્ચે કોઈકે બ્લિન્કિટ પરથી થોડીક ચીજો ઑર્ડર કરી હોય છે એની ડિલિવરી લઈને એજન્ટ આવે છે. ચીજોનું બિલ ૨૦૦૦ રૂપિયાનું છે અને એટલી કૅશ તરત હાથવગી નથી મળતી. ઘરમાં ખૂબ મહેમાનો છે અને બહુ કામ છે. સામાન્ય રીતે આવામાં લોકો ઑનલાઇન પેમેન્ટ આપવાની તૈયારી કરતા હોય છે, પરંતુ ઘરવાળાઓએ એવું નહીં કર્યું. તેમણે લગ્નના સામાનમાં પડેલો રૂપિયાની નોટોવાળો હાર ઉપાડ્યો અને ડિલિવરી એજન્ટને પહેરાવી દીધો. બિલ ૨૦૦૦ રૂપિયાનું હતું અને ૨૧૦૦ રૂપિયાની ચલણી નોટોનો હાર હતો. આવા હાર સામાન્ય રીતે દુલ્હાના સ્વાગત માટે લગ્નોમાં પહેરાવાતા હોય છે. લગ્ન પૂરાં થઈ ગયાં પછી હવે આ હારની જરૂર નહોતી. પેમેન્ટ કરતી વખતે ઑર્ડર આપનારે હસતાં-હસતાં કહ્યું, ‘બહુ ઉતાવળ હોવાથી હારમાંથી નોટો અલગ કરવાનો ટાઇમ નથી, તમે જાતે જ કરી લેજો.’