તે ફક્ત સોમવારથી બુધવાર દરમ્યાન ૨૦ કલાક જ કામ કરે છે.
પ્રતીકાત્મક તસવીર
કામના કલાકો ઘટે અને આવક વધે એવી જૉબ કરવી એ દરેક વ્યક્તિનું સપનું હોય છે. કેટલાક લોકો આ સપનું ખરેખર હકીકતમાં બદલી નાખે છે. બર્નડેટ જૉય નામની મહિલા વર્ષે બે કરોડથી વધુ રૂપિયા કમાય છે અને સામે અઠવાડિયામાં ત્રણ જ દિવસ કામ કરે છે. બર્નડેટે ૨૦૧૯માં પોતાનો ધમધોકાર ચાલતો બિઝનેસ બંધ કરી દીધો હતો, કારણ કે તે આળસુ હતી અને આટલા બધા કલાક કામ કરવામાં માનતી નહોતી. તે સાઇડમાં એક પૉડકાસ્ટ ચલાવતી હતી જેમાં મૉર્ગેજ, સ્ટુડન્ટ લોન અને હાઉસિંગ એક્સ્પેન્સ ચૂકવવાની તેની જર્ની વિશે ચર્ચા કરતી હતી. બિઝનેસમાં ડિગ્રી મેળવી હોવાથી આ મહિલાએ પૉડકાસ્ટમાંથી આવક રળવાનું શરૂ કર્યું. ‘ક્રશ યૉર મની ગોલ્સ’ નામનું આ પૉડકાસ્ટ એવું ચાલ્યું કે ૨૦૨૩માં તેણે ૨.૩ કરોડ રૂપિયાની કમાણી કરી લીધી હતી. જૉયનું કહેવું છે કે તે ફક્ત સોમવારથી બુધવાર દરમ્યાન ૨૦ કલાક જ કામ કરે છે. તે ભલે આળસુ સ્વભાવની છે, પણ એ દરમ્યાન તે ખૂબ મહેનત અને ફોકસ રાખીને પોતાનું કામ કરે છે.
