શહેરના રહેવાસીઓનું કહેવું છે કે લોકો મોડે સુધી ગ્રુપમાં બેઠા હોય છે અને તેમના અવાજને કારણે તેમની ઊંઘ ખરાબ થાય છે.
ઇટલીના રાષ્ટ્રધ્વજની તસવીર
મોટાં શહેરોમાં નાઇટ-લાઇફનું અલગ જ આકર્ષણ હોય છે, પણ ઇટલીના મિલાન શહેરમાં લોકો ઘોંઘાટથી એટલા કંટાળી ગયા છે કે હવે અહીં મિડનાઇટ સ્નૅક્સ પર પ્રતિબંધ મૂકવાની તૈયારી ચાલી રહી છે. શહેરના રહેવાસીઓનું કહેવું છે કે લોકો મોડે સુધી ગ્રુપમાં બેઠા હોય છે અને તેમના અવાજને કારણે તેમની ઊંઘ ખરાબ થાય છે. આ પગલું શાંતિ તેમ જ સ્વાસ્થ્ય માટે પણ એટલું જ જરૂરી છે. જો નવો કાયદો પસાર થશે તો આગામી મહિનાથી નવેમ્બર સુધી મિલાનમાં મધરાત પછી પીત્ઝા, આઇસક્રીમ, ડ્રિન્ક્સ સહિતના ટેકઅવે ફૂડ પર પ્રતિબંધ મુકાઈ જશે. બીજી તરફ આઇસક્રીમ વેચનારાએ આ પ્રસ્તાવનો વિરોધ કર્યો છે, કારણ કે તેઓ ઇટાલિયન સંસ્કૃતિના ભાગરૂપે મોડી રાત સુધી જિલાટો વેચવા ટેવાયેલા છે. ૨૦૧૩માં પણ મિલાને મોડી રાત પછી આઇસક્રીમ પર પ્રતિબંધ મૂકવાનો પ્રયાસ કર્યો હતો. જોકે ત્યારે આ પ્રસ્તાવનો ભારે વિરોધ થયો હતો.
