આર્કિટેક્ટને શું સૂઝ્યું કે તેણે ફ્લૅટની ડિઝાઇનમાં એક જેલનો સેલ રાખવાનું નક્કી કર્યું
પ્રતીકાત્મક તસવીર
વિદેશમાં ઠીકઠાક સ્પેસ ધરાવતો સ્ટુડિયો અપાર્ટમેન્ટ મળે તોય લોકો ખુશ થઈ જાય છે અને લાખો રૂપિયા ભાડું ભરે છે. ઇન્ટરનેટ પર હમણાં યુનાઇટેડ કિંગડમ (UK)ના એક અપાર્ટમેન્ટનો વિડિયો વાઇરલ થયો છે જેનું ભાડું મહિને ૭૭,૧૮૭ રૂપિયા છે. આ અપાર્ટમેન્ટ આમ તો પ્રમાણમાં મોટો છે પણ એમાં એક વસ્તુ ધ્યાન ખેંચે છે એ છે લિવિંગરૂમમાં આવેલી જેલની કોટડી. આ પ્રૉપર્ટી વાસ્તવમાં કન્વર્ટેડ પોલીસ-સ્ટેશનની અંદર આવેલી છે. ૨૦૧૭માં પોલીસ-સ્ટેશન બંધ થયા બાદ એને ફ્લૅટમાં તબદીલ કરવામાં આવ્યું હતું. આર્કિટેક્ટને શું સૂઝ્યું કે તેણે ફ્લૅટની ડિઝાઇનમાં એક જેલનો સેલ રાખવાનું નક્કી કર્યું. આ ફ્લૅટમાં મૉડર્ન ફલોરિંગ અને ફીચર્સ છે. એક સોશ્યલ મીડિયા યુઝરે રમૂજ કરી કે બાળકો બહુ તોફાન કરે તો આ કોટડી ઉપયોગી થશે. તો અન્ય એક વ્યક્તિએ એમાં સુંદર હોમ ઑફિસ સ્પેસ બનાવવાની ઇચ્છા વ્યક્ત કરી હતી.
