એક અબજોપતિએ તેના ‘વ્યુ’ આડે આવતાં ૩૨ વૃક્ષોનું નિકંદન કાઢી નાખ્યું હતું.
અબજોપતિએ તેના ‘વ્યુ’ આડે આવતાં ૩૨ વૃક્ષોનું નિકંદન કાઢી નાખ્યું હતું
એક તરફ ગ્લોબલ વૉર્મિંગની ગંભીર અસરોને લઈને લોકોમાં જાગૃતિ લાવવાના પ્રયાસો થઈ રહ્યા છે તો બીજી તરફ એવા લોકો પણ છે જેઓ વ્યક્તિગત લાભ માટે પર્યાવરણને નુકસાન પહોંચાડવામાં સહેજ પણ ખચકાટ નથી અનુભવતા. યુએસએના ન્યુ જર્સીમાં આવી જ એક કમનસીબ ઘટના બની હતી, જેમાં એક અબજોપતિએ તેના ‘વ્યુ’ આડે આવતાં ૩૨ વૃક્ષોનું નિકંદન કાઢી નાખ્યું હતું.
ગ્રાન્ટ હેબર ઍન્ટિ-ટેરરિઝમ કંપનીમાં સિનિયર પદ પર કાર્યરત છે અને તે કિનેલોન, ન્યુ જર્સીમાં અબજોની કિંમતની ભવ્ય હવેલીમાં રહે છે. ન્યુ યૉર્ક સ્કાયલાઇનનો અદ્ભુત વ્યુ મેળવવા માટે તેણે પાડોશી સમીહ શિનવેની માલિકીની જમીન પર ઓક, બર્ચ, મેપલ જેવાં ૩૨ વૃક્ષો કપાવી નાખ્યાં હતાં. સમીહે ગ્રાન્ટ સામે કેસ દાખલ કર્યા બાદ તેને પ્રતિવૃક્ષ ૧,૦૦૦ ડૉલર (૮૨,૮૬૬ રૂપિયા) એમ કુલ ૩૨,૦૦૦ ડૉલર (૨૬.૫૦ લાખ રૂપિયા)નો દંડ થયો હતો. જોકે ગ્રાન્ટ દંડની રકમ ૧૩,૦૦૦ ડૉલર (૧૦.૭ લાખ રૂપિયા) સુધી ઘટાડવામાં સફળ રહ્યો હતો.
