સુપ્રીમ કોર્ટની બેન્ચે કહેવું પડ્યું : જજોને વીકલી-ઑફ પણ મળતો નથી

CBI તપાસ વિરુદ્ધ બંગાળ સરકારની અરજી પરની સુનાવણી વખતે બેન્ચે આ ટિપ્પણી કરી હતી.

સુપ્રીમ કોર્ટની તસવીર

સુપ્રીમ કોર્ટની બેન્ચે બુધવારે એક કેસની સુનાવણી દરમ્યાન કહ્યું હતું કે કોર્ટમાં લાંબી રજાઓની ટીકા કરનારાઓ જાણતા નથી કે જજોને શનિવાર અને રવિવારની રજા પણ મળતી નથી. પશ્ચિમ બંગાળ સરકાર દ્વારા દાખલ કરવામાં આવેલી અરજીની સુનાવણી દરમ્યાન બેન્ચે આ ટિપ્પણી કરી હતી. બંગાળમાં શિક્ષકોની ભરતી પ્રક્રિયાની સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા તપાસ કરવામાં આવી રહી છે. CBI તપાસ વિરુદ્ધ બંગાળ સરકારની અરજી પરની સુનાવણી વખતે બેન્ચે આ ટિપ્પણી કરી હતી.