છતની સીલિંગની નીચે લાઇમ પ્લાસ્ટર કરેલું છે જેને કારણે અંદર ઠંડક રહે છે. છતની ઉપર ચિનાઈ માટીની ટાઇલ્સ લગાવેલી છે જે ગરમીને અંદર જતી રોકે છે.
રાજસ્થાનની રાજકુમારી રત્નાવતી ગર્લ્સ સ્કૂલ.
ભારતમાં હજારો સ્કૂલો અને કૉલેજો છે, પણ રાજસ્થાનની આ સ્કૂલ એની અનોખી બનાવટને કારણે ખૂબ ચર્ચામાં છે. આ સ્કૂલમાં ૪૦થી ૪૫ ડિગ્રી તાપમાન વચ્ચે પણ ઍર-કન્ડિશનર કે કૂલર વિના ઠંડક અનુભવાય છે. સ્કૂલનું નામ છે રાજકુમારી રત્નાવતી ગર્લ્સ સ્કૂલ. જેસલમેરના થારના રણમાં આવેલી આ સ્કૂલ એની ખાસ ડિઝાઇન અને કુદરતી વૅન્ટિલેશનને કારણે જાણીતી છે અને એ જ કારણોસર અહીં બળબળતી ગરમીમાં પણ ઠંડકનો અહેસાસ થાય છે. આ સ્કૂલ થારના રણમાં હોવાને કારણે ગરમી અપરંપાર છે, પણ એની ખાસ ડિઝાઇન અને કુદરતી વેન્ટિલેશન યુનિક છે. આ સ્કૂલની છત ખાસ ટેક્નિકથી બનાવેલી છે જેથી ગરમી છતમાં જ શોષાઈ જાય. છતની સીલિંગની નીચે લાઇમ પ્લાસ્ટર કરેલું છે જેને કારણે અંદર ઠંડક રહે છે. છતની ઉપર ચિનાઈ માટીની ટાઇલ્સ લગાવેલી છે જે ગરમીને અંદર જતી રોકે છે.
ADVERTISEMENT
આ સ્કૂલના બિલ્ડિંગનો શેપ અને સાઇઝ પણ બહુ યુનિક છે. આ સ્કૂલની ડિઝાઇન અમેરિકાનાં જાણીતાં આર્કિટેક્ટ ડાયના કેલૉગે બનાવી છે. ગરમીથી બચવા માટે જેસલમેરના પથ્થરો પણ બહુ જ કામના છે. આ સ્કૂલની દીવાલો પણ સ્થાનિક સૅન્ડસ્ટોનથી બનેલી છે એને કારણે તપતી ગરમીમાં પણ ઠંડક બરકરાર રહે છે.
