આ દુકાનમાં ૭૦૦ ગ્રામની કચોરી પીરસવામાં આવે છે અને એ ભારતની સૌથી મોટી કચોરી હોવાનો દાવો કરવામાં આવ્યો છે.
લાઇફ મસાલા
પ્રતીકાત્મક તસવીર
રાજસ્થાન એના વાઇબ્રન્ટ કલ્ચર, ઐતિહાસિક કિલ્લાઓ અને મહેલો ઉપરાંત એના ફૂડ માટે પણ એટલું જ વખણાય છે. અહીં આવનારા લોકો બટાટા, ડુંગળી અને મગની દાળના પૂરણવાળી સ્પેશ્યલ કચોરી જરૂર ટ્રાય કરે છે. જોકે બહુ ઓછા લોકો જાણતા હશે કે અજમેર નજીક આવેલા નસીરાબાદમાં ચવન્નીલાલ હલવાઈ નામનું ફૂડ આઉટલેટ કચોરી નહીં પણ ‘કચોરા’ માટે પ્રખ્યાત છે. આ દુકાનમાં ૭૦૦ ગ્રામની કચોરી પીરસવામાં આવે છે અને એ ભારતની સૌથી મોટી કચોરી હોવાનો દાવો કરવામાં આવ્યો છે. આ કચોરી માત્ર ૧૦૦ રૂપિયામાં મળે છે અને એ ખાતાં પેટ ભરાઈ જાય છે. સોશ્યલ મીડિયા પર એક વિડિયોમાં કહેવામાં આવ્યું છે કે આટલી મોટી કચોરીને ફ્રાય કરવામાં અડધો કલાક લાગે છે અને એને અમેરિકા, લંડન અને દુબઈ જેવા દેશોમાં પણ મોકલવામાં આવે છે.