ઍક્શન કૉમિક્સ નંબર વનની ઓરિજિનલ ૨,૦૦,૦૦૦ કૉપીમાંથી હવે માત્ર ૧૦૦ જ બચી છે
What`s Up!
ઍક્શન કૉમિક્સ નંબર વન
વિશ્વભરનાં બાળકો જેનાં દીવાનાં છે એવા ‘સુપરમૅન’ને આજે ભલે લોકો ફિલ્મમાં જોતા હોય, પણ એક સમયે કૉમિક્સની દુનિયામાં આ સુપરહીરોએ ખળભળાટ મચાવ્યો હતો. અમેરિકન પબ્લિશિંગ કંપની DC કૉમિક્સે ૧૯૩૮માં પહેલી વાર ‘ઍક્શન કૉમિક્સ નંબર વન’ થકી સુપરમૅનનો પરિચય આપ્યો હતો. આ કૉમિકની એક ઐતિહાસિક કૉપી તાજેતરમાં હેરિટેજ ઑક્શન્સમાં લગભગ ૫૦ કરોડ રૂપિયામાં વેચાઈ હતી. આ કૉમિક-બુક દાયકાઓ જૂની હોવા છતાં પ્રમાણમાં સારી સ્થિતિમાં છે. ઍક્શન કૉમિક્સ નંબર વનની ઓરિજિનલ ૨,૦૦,૦૦૦ કૉપીમાંથી હવે માત્ર ૧૦૦ જ બચી છે અને એમાંથી માત્ર બે જ કૉપી સારી સ્થિતિમાં છે.૨૦૨૨ના વર્ષમાં ‘સુપરમૅન નંબર વન’ કૉમિક-બુકની કૉપી ૪૪ કરોડ રૂપિયામાં વેચાઈ હતી અને એ સૌથી મોંઘી કૉમિક-બુક બની હતી. જોકે તાજેતરની હરાજી બાદ આ રેકૉર્ડ ‘ઍક્શન કૉમિક્સ નંબર વન’ના નામે થઈ ગયો છે. ‘ઍક્શન કૉમિક્સ નંબર વન’ની વાર્તા સીગલ અને શસ્ટરે લખી છે જેમાં બાળ-સુપરમૅનને એક વિનાશકારી ગ્રહ પરથી પૃથ્વી પર મોકલવામાં આવે છે અને તે પોતાની ભાવી પ્રેમિકા લૉઇસ લેનને
મળે છે.