Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > Moye Moye: ઈન્ટરનેટ પર ધૂમ મચાવનાર ‘મોયે મોયે’ ગીતનો આ છે સાચો અર્થ

Moye Moye: ઈન્ટરનેટ પર ધૂમ મચાવનાર ‘મોયે મોયે’ ગીતનો આ છે સાચો અર્થ

29 November, 2023 06:20 PM IST | Mumbai
Gujarati Mid-day Online Correspondent | gmddigital@mid-day.com

ઈન્સ્ટાગ્રામ અને ફેસબુક પર ઘણી પોસ્ટમાં તમે મોયે મોયે (Moye Moye) ગીત સાંભળ્યું હશે. આ ગીત એટલું વાયરલ થયું છે કે ઘણા લોકો આ ગીતને પોતાની પોસ્ટ સાથે શેર કરી રહ્યા છે

પ્રતીકાત્મક તસવીર

પ્રતીકાત્મક તસવીર


ઈન્સ્ટાગ્રામ અને ફેસબુક પર ઘણી પોસ્ટમાં તમે મોયે મોયે (Moye Moye) ગીત સાંભળ્યું હશે. આ ગીત એટલું વાયરલ થયું છે કે ઘણા લોકો આ ગીતને પોતાની પોસ્ટ સાથે શેર કરી રહ્યા છે, પરંતુ આ ગીતમાં કવિ કહેવા શું માગે છે, આ ગીત કોણે કમ્પોઝ કર્યું છે? જેવા અનેક પ્રશ્નો લોકોના મનમાં છે. આવો જાણીએ શું છે આ મોયે મોયે ટ્રેન્ડ, જે દરેકના હોઠ પર છે.

મોયે મોયે (Moye Moye)એ સર્બિયન ગીત છે, જે ગાયક તેજા ડોરા દ્વારા ગવાયું છે. સંગીત વીડિયો ડઝાનમનો એક ભાગ છે. આ ગીતને યુટ્યુબ પર 5.8 કરોડ વ્યુઝ મળ્યા છે અને તે વિશ્વભરમાં સોશિયલ મીડિયા પર ટ્રેન્ડ કરી રહ્યું છે. ત્રણ મિનિટના મ્યુઝિક વીડિયોનો આ ભાગ ઈન્સ્ટાગ્રામ, ફેસબુક, યુટ્યુબ અને ટિકટોક પર ખૂબ જ ઝડપથી શૅર થઈ રહ્યું છે.



લોકો આ ગીતનો અર્થ અને બોલ બરાબર જાણતા નથી, પરંતુ તેમ છતાં આ ગીતની ધૂન એટલી મધુર છે કે તે લોકોની જીભ પર લોકપ્રિય બની ગયું છે અને હવે તેને કોઈ ભૂલી શકવા સક્ષમ નથી. જોકે, અમે તમને વધુ એક ખાસ વાત જણાવી દઈએ કે સોશિયલ મીડિયા પર પોપ્યુલર થયેલા આ ગીતના બોલ ખોટા હેશટેગ સાથે ટ્રેન્ડ થઈ રહ્યા છે અને લોકો તેને ખોટું ગાવા પણ લાગ્યા છે. તેના સાચા ગીતો મોયે મોયે નહીં પણ મોયે મોરે છે.


આ ગીતથી સામાન્ય લોકો જ નહીં, પરંતુ બોલિવૂડ સ્ટાર્સ પણ ખૂબ જ પ્રભાવિત થયા છે. તાજેતરમાં, શ્રદ્ધા કપૂરે તેની પોસ્ટમાં મોયે મોરે ગીતનો ઉપયોગ કરીને એક સુંદર પોસ્ટ પોસ્ટ કરી હતી, જેમાં તેણે લખ્યું હતું, “મોયે મોરે કોઝ હું કાલે શૂટ કરવા જઈ રહી છું અને હું મારા નાના છોકરાને મિસ કરીશ.”

એટલું જ નહીં, પરંતુ દિલ્હી પોલીસે (Delhi Police) આ ગીતનો ઉપયોગ કરીને ઝડપથી વાહન ચલાવનારાઓને ચેતવણી પણ આપી છે. આ વીડિયોમાં પોલીસે બાઇક પર સ્ટંટ કરતાં એક વ્યક્તિનો વીડિયો શેર કર્યો છે, જેનું કેપ્શન ખૂબ જ ફની હતું.


જોકે, આપણે આ ગીતનો મજાકમાં ઉપયોગ કરીએ છીએ, પરંતુ આ ગીતનો અર્થ સાવ વિરુદ્ધ છે. આ ગીતનો ખરો અર્થ એ છે ‘અધૂરા રહી ગયેલા સપનાને લીધે આવતા ખરાબ સપનાઓ, છતાં ઉજ્જવળ ભવિષ્યની આશા શોધું છું.’

Whatsapp-channel Whatsapp-channel

29 November, 2023 06:20 PM IST | Mumbai | Gujarati Mid-day Online Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK