ચીનમાં કચરો વીણવાનું કામ કરતી ૨૦ વર્ષની એક છોકરી રાતોરાત મૉડલ બની ગઈ હતી
મિન્ગહુઈ
ચીનમાં કચરો વીણવાનું કામ કરતી ૨૦ વર્ષની એક છોકરી રાતોરાત મૉડલ બની ગઈ હતી. કચરાના ઢેરમાંથી અલગ-અલગ પ્રકારનો કચરો તારવવાનું કામ કરતી મિન્ગહુઈ નામની આ કન્યાનો વિડિયો વાઇરલ થયો છે. તેના બૉયફ્રેન્ડના પિતાના કચરા-કલેક્શનના કામમાં તે મદદ કરી રહી હતી. એ તસવીરો વાઇરલ થતાં લોકોએ તેના ચહેરાનાં ફીચર્સ અને હાઇટનાં ખૂબ વખાણ કર્યાં. આ કમેન્ટ્સ ચીનના એક મૉડલની નજરમાં આવી. તેને પણ લાગ્યું કે આ છોકરી તો જન્મજાત સુપરમૉડલ છે. એ પછી ચીની ફૅશન-ડિઝાઇનરે લક્ઝરી આર્ટ-બ્રૅન્ડ માટે મિન્ગહુઈને લીધી. તેણે એક કાર-કંપની માટે પણ મૉડલિંગ કર્યું અને હવે તેની પાસે રેગ્યુલર મૉડલિંગનું કામ સામેથી આવી રહ્યું છે. એમ છતાં તે જ્યારે પણ નવરી પડે ત્યારે બૉયફ્રેન્ડના પરિવારની સાથે કચરો છાંટવાના કામમાં લાગી જાય છે.
