તેની નાની બહેન જુન સાથે મળીને ચૅરિટી ભંડોળ એકત્ર કરવા માટે લીંબુપાણી વેચવાનું શરૂ કરેલું.
ગ્રેસ હેન્ડ્રિઅન
અમેરિકામાં ગ્રેસ હેન્ડ્રિઅન નામની ૬ વર્ષની છોકરીએ તેની નાની બહેન જુન સાથે મળીને ચૅરિટી ભંડોળ એકત્ર કરવા માટે લીંબુપાણી વેચવાનું શરૂ કરેલું. આ કામ શરૂ થયેલું ૨૦૧૯માં. ઇલિનૉઇમાં રહેતી આ બન્ને બહેનોએ સાલ્વેશન આર્મી થકી સેવાકાર્યોમાં મદદ કરવા માટે આ કામ આરંભ્યું હતું. ક્યાંકથી જરૂરિયાતમંદ લોકોને મદદની જરૂર છે એવી ખબર પડતાં ગ્રેસે પેરન્ટ્સને કહેલું કે તેને પોતાની રીતે મદદ કરવી છે. આ સાંભળીને તેની મમ્મીએ ૧૦ ડૉલર આપેલા અને કહ્યું હતું કે રકમ ફંડમાં નોંધાવી દેજે. જોકે આ કન્યાએ ડાયરેક્ટ એ રકમ ભંડોળમાં આપવાને બદલે એમાંથી લીંબુપાણી બનાવ્યું અને પોતે આ ચૅરિટી માટે ભંડોળ એકત્ર કરવા માટે આ કામ શરૂ કર્યું છે એવું પાટિયું પણ લગાવ્યું. નવાઈની વાત એ છે કે તેને રોકાણ કરતાં પચાસ ગણી રકમ મળી. એ પછી તો તેણે દરેક રજામાં લીંબુપાણીનો સ્ટૉલ નાખીને આ કામ શરૂ કર્યું. સાત વર્ષથી આ કામ કરીને આ બહેનોએ લગભગ ૫૩,૦૦૦ ડૉલર એટલે કે લગભગ ૫૦ લાખ રૂપિયા એકત્ર કરીને સાલ્વેશન આર્મી ફન્ડમાં આપ્યા છે.
