Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > તીસરી બાર મોદી સરકારની અમેરિકાનાં બાવીસ શહેરોમાં થશે ઉજવણી

તીસરી બાર મોદી સરકારની અમેરિકાનાં બાવીસ શહેરોમાં થશે ઉજવણી

09 June, 2024 07:02 AM IST | Mumbai
Gujarati Mid-day Correspondent | feedbackgmd@mid-day.com

અમેરિકામાં નરેન્દ્ર મોદીના સમર્થકોએ જોરદાર ઉજવણી કરવાનો નિર્ણય લીધો છે.

નરેન્દ્ર મોદી

નરેન્દ્ર મોદી


ભારતીય જનતા પાર્ટી (BJP)ના ટોચના નેતા નરેન્દ્ર મોદી આજે સતત ત્રીજી વખત ભારતના વડા પ્રધાન તરીકે શપથ લઈ રહ્યા છે ત્યારે આ ઐ​તિહાસિક બાબતની ઉજવણી અમેરિકાનાં બાવીસ શહેરમાં કરવામાં આવશે. ૧૯૬૨ બાદ ભારતમાં કોઈ એક વ્યક્તિએ પાંચ વર્ષની ટર્મ બે વાર પૂરી કરીને ત્રીજી વખત સત્તાની સ્થાપના કરી છે એને ધ્યાનમાં રાખીને ઓવરસીઝ ફ્રેન્ડ્સ ઑફ BJP દ્વારા અમેરિકામાં આ ઉજવણી કરવામાં આવશે. ઓવરસીઝ ફ્રેન્ડ્સ ઑફ BJPના અધ્યક્ષ અદાપા પ્રસાદે કહ્યું હતું કે ‘લોકસભાની ચૂંટણી ભારતમાં હતી, પરંતુ અમેરિકામાં વસતા ભારતીયો દ્વારા અનેક શહેરોમાં પ્રચારરૅલી કાઢવામાં આવી હતી. હવે BJPએ સૌથી વધુ ૨૪૦ બેઠક મેળવીને ફરી સત્તા મેળવી છે ત્યારે અમેરિકામાં નરેન્દ્ર મોદીના સમર્થકોએ જોરદાર ઉજવણી કરવાનો નિર્ણય લીધો છે. આવતા શુક્રવારથી ન્યુ યૉર્ક, જર્સી સિટી, વૉશિંગ્ટન, બૉસ્ટન, ફ્લૉરિડા, ઍટલાન્ટા, હ્યુસ્ટન, ડૅલસ, શિકાગો, લૉસ ઍન્જલસ અને સૅન ફ્રાન્સિસ્કો સહિત બાવીસ શહેરમાં રૅલી કાઢીને ઉજવણી કરવામાં આવશે, જે આવતા રવિવાર સુધી ચાલશે. આ ઉજવણી માટે ભારત અને અમેરિકાના સંબંધ મજબૂત કરવા માટે અમેરિકામાં રહેતા ભારતીયોને એકત્રિત કરવામાં આવશે.’


Whatsapp-channel Whatsapp-channel

09 June, 2024 07:02 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK