PM મોદીના Cyprus પ્રવાસે જવાથી તુર્કીના પેટમાં કેમ દુખ્યું? જાણો શું છે આ દેશનું મહત્ત્વ

સાયપ્રસ અને તુર્કી પાડોશી દેશો છે. બન્નેની સરહદો એકબીજાને મળે છે. પરંતુ બન્ને દેશો વચ્ચે લાંબા સમયથી સરહદ અને વંશીય વિવાદ રહ્યો છે. સાયપ્રસના ઉત્તરીય ક્ષેત્રમાં તુર્કી અને ગ્રીક મૂળના લોકોની સંખ્યા વધુ છે.

સાયપ્રસના રાષ્ટ્રપતિ નિકોસ ક્રિસ્ટોડોલિડ્સ અને ભારતના વડા પ્રધાન નરેન્દ્ર મોદી (તસવીર: X)

વડા પ્રધાન નરેન્દ્ર મોદી ત્રણ દેશોના વિદેશ પ્રવાસે છે. તેમણે રવિવારે સાયપ્રસથી પોતાનો વિદેશ પ્રવાસ શરૂ કર્યો. સાયપ્રસના રાષ્ટ્રપતિ નિકોસ ક્રિસ્ટોડોલિડેસે પ્રોટોકોલ તોડીને ઍરપોર્ટ પર પીએમ મોદીનું ભવ્ય સ્વાગત કર્યું. વડા પ્રધાન મોદીએ સાયપ્રસના રાષ્ટ્રપતિનો ભવ્ય સ્વાગત બદલ આભાર માન્યો. તેમણે સાયપ્રસમાં તેમના સ્વાગતની ઘણી તસવીરો સોશિયલ મીડિયા પર પણ શૅર કરી છે. એવું માનવામાં આવે છે કે સાયપ્રસમાં પીએમ મોદીના સ્વાગતની તસવીરો પાડોશી દેશ તુર્કીમાં ચિંતા વધારી છે. તુર્કી ભારતના કટ્ટર દુશ્મન પાકિસ્તાનનું મિત્ર છે. પહેલગામ આતંકવાદી હુમલા બાદ તુર્કીએ પાકિસ્તાન સામે ભારતની બદલો લેવાની કાર્યવાહીનો વિરોધ કર્યો હતો.

ભારત-સાયપ્રસ સંબંધો જાણો

ADVERTISEMENT

Landed in Cyprus. My gratitude to the President of Cyprus, Mr. Nikos Christodoulides for the special gesture of welcoming me at the airport. This visit will add significant momentum to India-Cyprus relations, especially in areas like trade, investment and more.@Christodulides pic.twitter.com/szAeUzVCem

— Narendra Modi (@narendramodi) June 15, 2025

બે દાયકાથી વધુ સમય બાદ ભારતીય વડા પ્રધાનની આ પહેલી સાયપ્રસ મુલાકાત છે. આતંકવાદ સામે ભારતની સફળ લશ્કરી કાર્યવાહી `ઑપરેશન સિંદૂર` પછી આ પીએમ મોદીની પહેલી વિદેશ મુલાકાત છે. સાયપ્રસે પહેલગામ આતંકવાદી હુમલાની નિંદા કરી હતી અને સંકેત આપ્યો હતો કે તે EU-સ્તરની ચર્ચાઓમાં પાકિસ્તાનમાંથી ઉદ્ભવતા સરહદ પાર આતંકવાદનો મુદ્દો ઉઠાવશે. વિદેશ મંત્રાલયના જણાવ્યા અનુસાર, આ મુલાકાત દ્વિપક્ષીય સંબંધોને વધુ ગાઢ બનાવવા, ભૂમધ્ય ક્ષેત્ર અને યુરોપિયન યુનિયન સાથે ભારતના જોડાણને મજબૂત બનાવવા માટે બન્ને દેશોની સહિયારી પ્રતિબદ્ધતાને પુનઃપુષ્ટ કરશે.

તુર્કી-સાયપ્રસ વિવાદ શું છે

સાયપ્રસ અને તુર્કી પાડોશી દેશો છે. બન્નેની સરહદો એકબીજાને મળે છે. પરંતુ બન્ને દેશો વચ્ચે લાંબા સમયથી સરહદ અને વંશીય વિવાદ રહ્યો છે. સાયપ્રસના ઉત્તરીય ક્ષેત્રમાં તુર્કી અને ગ્રીક મૂળના લોકોની સંખ્યા વધુ છે. સાયપ્રસ સંઘર્ષ 1974 માં ગ્રીક સરકાર દ્વારા સમર્થિત લશ્કરી બળવાથી શરૂ થયો હતો. આ પછી, તુર્કીએ સાયપ્રસના ઉત્તરીય ભાગ પર આક્રમણ કર્યું. આ સમય દરમિયાન, તુર્કીએ સાયપ્રસના પ્રખ્યાત પ્રવાસન શહેર વારોશા પર કબજો કર્યો. બહુમાળી ઇમારતો ધરાવતું આ શહેર એક સમયે પ્રવાસીઓથી ભરેલું હતું, જે છેલ્લા 47 વર્ષથી ઉજ્જડ છે.

Welcome to Cyprus Prime Minister @narendramodi!

Here, at the EU’s southeastern frontier and gateway of the Mediteranean

A historic visit

A new chapter in a strategic partnership that knows no limits

We make a promise to advance, transform, prosper more. Together

?????? pic.twitter.com/jXex0jnts9

— NikosChristodoulides (@Christodulides) June 15, 2025

તુર્કીએ ઉત્તરીય સાયપ્રસ પર કબજો કર્યો છે

અહેવાલ મુજબ, તુર્કીએ આ વિસ્તારમાં 35 હજાર સૈનિકો તહેનાત કર્યા છે. આ ઘટના પછી, આ ટાપુ બે ભાગમાં વહેંચાયેલો છે. તુર્કી સાયપ્રિયોટ્સે તેમના પ્રદેશને એક સ્વ-ઘોષિત રાષ્ટ્રનો દરજ્જો આપ્યો છે જેને ફક્ત તુર્કી દ્વારા જ સ્વીકારવામાં આવે છે. બીજી તરફ, ગ્રીક સાયપ્રસ સરકારને સંયુક્ત રાષ્ટ્ર અને અમેરિકા સહિત વિશ્વના ઘણા દેશો દ્વારા સ્વીકારવામાં આવે છે. સંયુક્ત રાષ્ટ્ર લાંબા સમયથી આ ટાપુને એકીકૃત કરવાનો પ્રયાસ કરી રહ્યું છે, પરંતુ, અત્યાર સુધી તેને કોઈ નોંધપાત્ર સફળતા મળી નથી.