New FASTag Rules: નીતિન ગડકરીએ ટોલ ટેક્સ અંગે મોટી જાહેરાત કરી છે. ઐતિહાસિક જાહેરાત કરતા ગડકરીએ કહ્યું છે કે 15 ઓગસ્ટ, 2025 થી આખા વર્ષ માટે ફાસ્ટેગ પાસ બનવાનું શરૂ થશે. આ પાસથી, વ્યક્તિ 3000 રૂપિયામાં વર્ષમાં 200 થી વધુ વખત મુસાફરી કરી શકશે.
પ્રતીકાત્મક તસવીર અને નીતિન ગડકરી (તસવીર સૌજન્ય: મિડ-ડે)
કેન્દ્રીય પરિવહન મંત્રી નીતિન ગડકરીએ ટોલ ટેક્સ અંગે મોટી જાહેરાત કરી છે. ઐતિહાસિક જાહેરાત કરતા ગડકરીએ કહ્યું છે કે 15 ઓગસ્ટ, 2025 થી આખા વર્ષ માટે ફાસ્ટેગ પાસ બનવાનું શરૂ થશે. આ પાસથી, વ્યક્તિ 3000 રૂપિયામાં વર્ષમાં 200 થી વધુ વખત મુસાફરી કરી શકશે. નીતિન ગડકરીએ એક દિવસ પહેલા સંકેત આપ્યો હતો કે દેશભરના ડ્રાઇવરોને મોટી રાહત મળી શકે છે.
આ નવી યોજના લાગુ થયા પછી, ટૉલ બૂથ પર લાંબી કતારો ઓછી થશે. ઉપરાંત, ટ્રાન્ઝેક્શન સરળ બનશે અને ડ્રાઇવરોને ઘણી બચત થશે. નીતિન ગડકરીના ટ્વિટ મુજબ, આ નીતિ ટૉલ બૂથ અંગેના વિવાદોનો પણ અંત લાવશે અને લોકોની મુસાફરી સરળ બનશે.
ADVERTISEMENT
આ યોજના શું છે, કોને લાભ મળશે?
નવી ટૉલ નીતિ મુજબ, નૉન-કમર્શિયલ વાહનો એક વર્ષમાં 3000 રૂપિયાનો FASTag રિચાર્જ કરી શકશે. આ રકમની માન્યતા 1 વર્ષ માટે રહેશે અને ડ્રાઇવર 200 મુસાફરી કરી શકશે. હાલમાં, આ યોજના હેઠળ ફક્ત નૉન-કમર્શિયલ પ્રાયવેટ વાહનોને જ રાખવામાં આવ્યા છે. કમર્શિયલ વાહનોને આ યોજનાનો લાભ મળશે નહીં. આ યોજના 15 ઓગસ્ટ, 2025 ના રોજ શરૂ કરવામાં આવશે. આ વાર્ષિક પાસ ટૉલ બૂથ પર વારંવાર વાહન રોકવાની સમસ્યાથી છુટકારો મેળવશે. આ સાથે, ડ્રાઇવરોના ઘણા પૈસા પણ બચશે.
રિચાર્જ કેવી રીતે થશે?
હાલમાં યુઝર્સ કોઈપણ UPI પ્લેટફોર્મ પરથી FASTag રિચાર્જ કરી શકે છે. વેબસાઇટ પર 100 રૂપિયાથી લઈને 3000 રૂપિયા સુધીનું રિચાર્જ કરવાનો વિકલ્પ છે. પરંતુ આ વાર્ષિક પાસની ચૂકવણી કરવા માટે, યુઝર્સે મોબાઇલમાં એપ્લિકેશન ડાઉનલોડ કરવી પડશે. તમે આ પાસ રાજમાર્ગ યાત્રા એપ્લિકેશન દ્વારા સરળતાથી મેળવી શકો છો. આ ઉપરાંત, તમે NHAI / MoRTH ની ઑફિશિયલ વેબસાઇટ પરથી પણ ચુકવણી કરી શકશો. આ વેબસાઇટ્સ પર એક લિંક ઉપલબ્ધ કરાવવામાં આવશે.
૩૦૦૦ રૂપિયામાં કેટલી મુસાફરી?
નવી ટૉલ ટેક્સ નીતિ હેઠળ, ૩૦૦૦ રૂપિયાના પાસમાં ૨૦૦ મુસાફરી કરી શકાય છે. આ કાર્ડની માન્યતા રિચાર્જ કર્યા પછી એક વર્ષ માટે રહેશે.
આ લોકોને થશે ફાયદો
આ ટૉલ નીતિ ખાસ કરીને એવા લોકોને ફાયદો કરાવશે જેમના ઘર કે ખેતર હાઇવેની નજીક છે. તેમને દિવસમાં ઘણી વખત ટોલ બૂથ પાર કરવું પડે છે, જે તેમને ખૂબ મોંઘું પડે છે. આ નીતિ અનુસાર, 60 કિલોમીટરની ત્રિજ્યામાં ટૉલ ભરવામાં વારંવાર ઉદ્ભવતા વિવાદોનું નિરાકરણ આવશે. તેમને વર્ષમાં 200 વખત ટૉલ ટેક્સ પાર કરવાની છૂટ મળશે.
શું દરેકને પાસ લેવો પડશે?
જો કે, હજી સુધી એ સ્પષ્ટ નથી કે શું બધા ડ્રાઇવરોએ FASTag માટે વાર્ષિક પાસ લેવો પડશે? એવું માનવામાં આવે છે કે આ સુવિધા વૈકલ્પિક હશે કારણ કે લાખો વાહનો એવા છે જેમનો વાર્ષિક ખર્ચ 3000 રૂપિયાથી ઓછો છે.
