° °

આજનું ઇ-પેપર
Friday, 01 July, 2022


દ્રૌપદી મુર્મુને મળ્યું બીજેડી અને જેડી (યુ)નું સમર્થન

24 June, 2022 09:20 AM IST | New Delhi
Gujarati Mid-day Correspondent | feedbackgmd@mid-day.com

મહારાષ્ટ્રના રાજકારણમાં સંભવિત નવાં સમીકરણોથી પણ એનડીએનાં ઉમેદવારને લાભ થઈ શકે

નવી દિલ્હીમાં ગઈ કાલે રાષ્ટ્રપતિની ચૂંટણીમાં એનડીએનાં ઉમેદવાર દ્રૌપદી મુર્મુ સાથે વડા પ્રધાન નરેન્દ્ર મોદી.

નવી દિલ્હીમાં ગઈ કાલે રાષ્ટ્રપતિની ચૂંટણીમાં એનડીએનાં ઉમેદવાર દ્રૌપદી મુર્મુ સાથે વડા પ્રધાન નરેન્દ્ર મોદી.

રાષ્ટ્રપતિના પદ માટે ૧૮ જુલાઈએ ઝારખંડનાં ભૂતપૂર્વ રાજ્યપાલ દ્રૌપદી મુર્મુ અને ભૂતપૂર્વ કેન્દ્રીય પ્રધાન યશવંત સિંહાની વચ્ચે ચૂંટણી થશે. બીજેપીના નેતૃત્વવાળી એનડીએ સરકારે દ્રૌપદી મુર્મુને રાષ્ટ્રપતિ પદના ઉમેદવાર બનાવ્યા છે. બીજી તરફ વિપક્ષોએ યશવંત સિંહાના નામની જાહેરાત કરી છે. અત્યારે તો રાષ્ટ્રપતિની રેસમાં મુર્મુ ખાસ્સા આગળ છે. જોકે એનડીએની પાસે હજી બહુમતી નથી.

દ્રૌપદી મુર્મુનું નામ ફાઇનલ કરવાથી એનડીએને લાભ થઈ શકે છે. ઓડિશાના મુખ્ય પ્રધાન અને બીજુ જનતા દળના અધ્યક્ષ નવીન પટનાયકે રાજ્યના તમામ વિધાનસભ્યોને દ્રૌપદી મુર્મુને વોટ આપવાની અપીલ કરી છે. તેમણે જણાવ્યું હતું કે ‘ઓડિશા વિધાનસભાના તમામ સભ્યોને હું પાર્ટી લાઇનથી પર, ઓડિશાની દીકરી દ્રૌપદી મુર્મુને દેશના સર્વોચ્ચ પદ પર બેસાડવા માટે સર્વસંમતિથી સપોર્ટ આપવાની અપીલ કરું છું.’

બીજી તરફ બિહારના મુખ્ય પ્રધાન અને જેડી (યુ)ના નેતા નીતિશ કુમારે મુર્મુની પસંદગીનું સ્વાગત કર્યું હતું. એનાથી બીજેપી અને જેડી (યુ)ની વચ્ચે ચાલી રહેલા તનાવની રાષ્ટ્રપતિની ચૂંટણીમાં પ્રતિકૂળ અસરો પડી શકે છે એ અટકળો પર પૂર્ણવિરામ લાગ્યો છે.

એટલું જ નહીં, મહારાષ્ટ્રમાં અત્યારે મચેલી ઊથલપાથલથી પણ યશવંત સિંહા જીતે એવી શક્યતાઓ ઓછી થઈ જાય છે.

24 June, 2022 09:20 AM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

નૂપુર શર્માની ટિપ્પ્ણી બદલ તેમણે ટીવી પર આખા દેશની માફી માગવી જોઈએ- SC

સુપ્રીમ કૉર્ટે નૂપુર શર્માને આખા દેશમાંથી માફી માગવા કહ્યું છે. સાથે કૉર્ટે કેસ ટ્રાન્સફર કરનારી અરજી પણ ફગાવી દીધી છે. સુપ્રીમ કૉર્ટે તેમને હાઈ કૉર્ટ જવા કહ્યું.

01 July, 2022 12:19 IST | New Delhi | Gujarati Mid-day Online Correspondent
રાષ્ટ્રીય સમાચાર

ઇસરોએ ત્રણ સૅટેલાઇટ્સ લૉન્ચ કર્યા

આ સૅટેલાઇટ લૉન્ચ વેહિકલ સિંગાપોરના ત્રણ સૅટેલાઇટ્સ સાથે ઊપડ્યું હતું

01 July, 2022 10:54 IST | Sriharikota | Gujarati Mid-day Correspondent
રાષ્ટ્રીય સમાચાર

‘ઈઝ ઑફ ડૂઇંગ બિઝનેસ’ મામલે ગુજરાત ટૉપ અચીવર્સની કૅટેગરીમાં

મહારાષ્ટ્રને અચીવર્સનો દરજ્જો અપાયો, રૅન્કિંગ સિસ્ટમમાં ફેરફાર કરાયો

01 July, 2022 10:45 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK