Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > રાષ્ટ્રીય સમાચાર > આર્ટિકલ્સ > કાશ્મીરમાં જંગલમાંથી મળી આવ્યા બે લાપતા પોલીસના ગોળીઓથી વીંધાયેલા મૃતદેહો

કાશ્મીરમાં જંગલમાંથી મળી આવ્યા બે લાપતા પોલીસના ગોળીઓથી વીંધાયેલા મૃતદેહો

Published : 13 November, 2026 03:29 PM | Modified : 13 November, 2026 04:44 PM | IST | Jammu and Kashmir
Gujarati Mid-day Correspondent | feedbackgmd@mid-day.com

બુધવારે ૫૭ વર્ષના બાબી ચંદ અને ૪૫ વર્ષના રશપાલ કુમાર નામના બે ઑફિસરો પોતાના કૅમ્પથી ધરના-મરવાહ સ્થિત આર્મીની એક ચોકી તરફ જઈ રહ્યા હતા ત્યારે ગુમ થયા હતા. તેમના મોબાઇલ ફોન પણ બંધ આવતા હતા.

બે SPOની હત્યા

બે SPOની હત્યા


જમ્મુ અને કાશ્મીરના કિશ્તવાડ જિલ્લામાં દચ્ચાનના ઊંચા પહાડી વિસ્તારોમાંથી ગુમ થયેલા બે સ્પેશ્યલ પોલીસ ઑફિસર (SPO)ના ગોળીઓથી વીંધાયેલા મૃતદેહો મળી આવ્યા છે. આ બેઉ કિશ્તવાડના દચ્ચાન ક્ષેત્રના કિયાર ગામમાં તહેનાત હતા.

બુધવારે ૫૭ વર્ષના બાબી ચંદ અને ૪૫ વર્ષના રશપાલ કુમાર નામના બે ઑફિસરો પોતાના કૅમ્પથી ધરના-મરવાહ સ્થિત આર્મીની એક ચોકી તરફ જઈ રહ્યા હતા ત્યારે ગુમ થયા હતા. તેમના મોબાઇલ ફોન પણ બંધ આવતા હતા. તેઓ ગુમ થયા ત્યારે તેમની પાસે ૬૦ રાઉન્ડની ઇન્સાસ રાઇફલ અને ૫૦ રાઉન્ડની 0.303 રાઇફલ પણ હતી અને આ હથિયારો પણ ગાયબ છે. આ ઘટના બાદ આખા જિલ્લામાં સુરક્ષાવ્યવસ્થા સખત કરવામાં આવી છે અને આતંકવાદીઓને શોધવા માટે સર્ચ-ઑપરેશન ચલાવવામાં આવી રહ્યું છે. ઑફિસરોના મૃત્યુના સંજોગો વિશે વધુ વિગતોની રાહ જોવાઈ રહી છે.


Whatsapp-channel Whatsapp-channel

13 November, 2026 04:44 PM IST | Jammu and Kashmir | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK