૫૦ હાથીઓને કાબૂમાં લેવાનું જેમના માટે ડાબા હાથનો ખેલ છે એવી ભારતની સૌપ્રથમ મહિલા મહાવતને લોકો ‘હાથી કી રાની’ના હુલામણા નામે ઓળખે છે.
પાર્વતી બરુઆ
આપણા ભારત દેશની અનેક એવી મહાન વિભૂતિઓ છે જેઓ પોતાના જન્મને સફળ બનાવનારાં કાર્યો એક મૂકસેવક કે કાર્યકર તરીકે આજીવન કરતી રહે છે, પણ તેમની ખ્યાતિ આખા દેશમાં કે આપણા સુધી પહોંચતી નથી. સરકાર તરફથી મળતા પુરસ્કાર અને પદવીઓને એક સાવ અલગ અર્થમાં જોઈએ તો ઘણી વાર આવા મહાનુભાવોનાં કાર્યો અને ખ્યાતિ આપણા સુધી પહોંચવામાં આ પુરસ્કાર કે પદવીઓ સહાયભૂત બનતાં હોય છે. આ વાતનું એક ઉત્તમ ઉદાહરણ ભારતનાં પ્રથમ મહિલા મહાવત પાર્વતી બરુઆ છે, જેમને સરકારે પદ્મશ્રીની ઉપાધિથી નવાજ્યાં છે.