ગઈ કાલે MNSના ચીફ પુત્ર અમિત સાથે દિલ્હીમાં અમિત શાહને મળવા પહોંચ્યા
રાજ ઠાકરે
મહારાષ્ટ્ર નવનિર્માણ સેના (MNS)ના સ્થાપક-અધ્યક્ષ રાજ ઠાકરે ગઈ કાલે સાંજે અચાનક પુત્ર અમિત સાથે મુંબઈથી ચાર્ટર્ડ ફ્લાઇટમાં દિલ્હી પહોંચ્યા હતા. ચાર દિવસમાં તેઓ બીજી વખત ભારતીય જનતા પાર્ટી (BJP)ના અમિત શાહ, જે. પી. નડ્ડા સહિતના વરિષ્ઠ નેતાઓને મળવા પહોંચ્યા હોવાનું કહેવાય છે. રાજ ઠાકરેની આ મુલાકાતોથી તેઓ મહારાષ્ટ્રની સત્તાધારી મહાયુતિમાં જોડાઈ રહ્યા હોવાની છેલ્લા કેટલાક સમયથી શરૂ થયેલી ચર્ચાને બળ મળ્યું છે.