જ્યારે મુંબઈ અને રાજ્યમાં ગણેશોત્સવનો ઉત્સાહ છવાયેલો છે, ત્યારે ધારાવીના રહેવાસીઓ એક અનોખી ચિંતાનો સામનો કરી રહ્યા છે. તહેવાર પહેલા ભારે વરસાદ અને અન્ય વિવિધ પરિબળોને કારણે ધારાવીની ગીચ ઝૂંપડપટ્ટીમાં ઉંદરોનો ઉપદ્રવ વધ્યો છે.
પ્રતીકાત્મક તસવીર
જ્યારે મુંબઈ અને રાજ્યમાં ગણેશોત્સવનો ઉત્સાહ છવાયેલો છે, ત્યારે ધારાવીના રહેવાસીઓ એક અનોખી ચિંતાનો સામનો કરી રહ્યા છે. તહેવાર પહેલા ભારે વરસાદ અને અન્ય વિવિધ પરિબળોને કારણે ધારાવીની ગીચ ઝૂંપડપટ્ટીમાં ઉંદરોનો ઉપદ્રવ વધ્યો છે. આ ભયનો સામનો કરવા માટે, સ્થાનિક રહેવાસી રાહત માટે તેમના પ્રિય ભગવાન ગણેશ તરફ વળ્યા છે.
ધારાવીમાં ઉંદરોનો ઉપદ્રવ નવો નથી, પરંતુ આ વર્ષે ભારે વરસાદને કારણે પૂર આવ્યું છે, જેના કારણે આ સમસ્યા વધુ વણસી છે. પાણી ભરાઈ ગયું છે, તહેવાર દરમિયાન મીઠાઈઓનો ભરાવો, પંડાલો માટે ખોદવામાં આવેલા ખાડાઓ અને ફળો અને ફૂલોનો વધતો ઉપયોગ ઉંદરોની સમસ્યા વધુ ગંભીર બની છે. સ્થાનિક રહેવાસી ગણેશજીને તેના મૂળ કારણો - નબળી સ્વચ્છતા, દુર્ગંધ, ખુલ્લા ગટર અને ખાડાવાળા રસ્તાઓ- ને દૂર કરવા માટે રિડેવલપમેન્ટ ઝડપી થાય તે માટે પણ પ્રાર્થના કરી રહ્યા છે.
ADVERTISEMENT
ધારાવીના ખંભદેવ નગરમાં જય બજરંગબલી મિત્ર મંડળે આ સમસ્યાનો સામનો કરવા માટે પગલાં લીધા છે. "આ વર્ષે, ઉંદરોની સમસ્યા વધુ ગંભીર થઈ છે. અમે મોટાભાગના જાહેર મંડળોને ઉંદર પકડવાના બોક્સ પૂરા પાડ્યા છે, તેને મંડપોની આસપાસ મૂકી દીધા છે. ખોરાકથી ભરેલા આ બોક્સ, ઉંદરોને ફસાવે છે, જે પછી રાજીવ ગાંધી નગરમાં ખાડી પાસે સુરક્ષિત રીતે છોડી દેવામાં આવે છે," મંડળના કાર્યકર રોહિત પરબે જણાવ્યું. તેમણે ઉમેર્યું, "ભગવાન ગણેશનું વાહન ઉંદર હોવાથી, અમને વિશ્વાસ છે કે બાપ્પા આપણને આ મુશ્કેલીમાંથી બચાવશે."
ધારાવીના 90 ફૂટ રોડ, જ્યાં દર વર્ષે ગણેશજીની પૂજા થાય છે, નજીક જનતા નગર ચાલના 42 વર્ષીય રહેવાસી લવ ચાલકેએ પોતાની વેદના વ્યક્ત કરી. "અમારી ચાલમાંથી નાના નાળા વહે છે, અને આસપાસનો વિસ્તાર પણ સ્વચ્છ નથી, તેથી ઉંદરોનો ત્રાસ આખું વર્ષ રહે છે.
ગણેશોત્સવ દરમિયાન, મીઠાઈઓ, ફળો અને ફૂલોની સજાવટની સંખ્યા વધુ હોવાથી, સમસ્યા વધુ તીવ્ર બની છે. અમારે સતત પ્રસાદનું રક્ષણ કરવું પડે છે અને દરવાજા પર અવરોધો મૂકવા પડે છે, પરંતુ ઉંદરો હજુ પણ અંદર આવવાનો રસ્તો શોધી કાઢે છે," તેમણે દુઃખ વ્યક્ત કર્યું. લવે આશા વ્યક્ત કરતા કહ્યું, "મને વિશ્વાસ છે કે બાપ્પા આ કટોકટીમાંથી આપણને માર્ગદર્શન આપશે અને પુનર્વિકાસને ટેકો આપશે જેનાથી આપણે આવી મુશ્કેલીઓ વિના નવા ઘરોમાં તેમનું સ્વાગત કરી શકીશું."
વોર્ડ નંબર ૧૮૮ ના ભૂતપૂર્વ કોર્પોરેટર, એડવોકેટ અહેમદ શેખે, ખરાબ સ્વચ્છતા, કચરાના ડબ્બા અને ભરાયેલા પાણીને મૂળ કારણો ગણાવ્યા. "ધારાવીમાં રાત્રે ઉંદરો વધુ સક્રિય હોય છે. આ વર્ષે ભારે વરસાદે તહેવારો દરમિયાન પરિસ્થિતિને વધુ ખરાબ કરી છે. ગણેશોત્સવ અને આગામી ઈદના ઉજવણીના માહોલ છતાં, અપૂરતી મ્યુનિસિપલ સુવિધાઓએ ઉંદરોના ત્રાસને વધાર્યો છે. ધારાવીનો યોગ્ય પુનર્વિકાસ મૂળભૂત સુવિધાઓ અને આ સમસ્યામાંથી રાહત આપી શકે છે," તેમણે કહ્યું.
મુકુંદ નગરમાં શ્રી સાંઈબાબા મિત્ર મંડળના ખજાનચી કિશોરકુમાર આનંદ હોંકેરીએ ઉમેર્યું, "ઘરગથ્થુ ગણેશ ઉત્સવ હોય કે જાહેર, ઉંદરોની સમસ્યા ખૂબ જ વધારે છે. અમે બાપ્પાના પ્રસાદ અને સજાવટનું રક્ષણ કરવા માટે સતર્ક રહીએ છીએ, પંડાલો અને આસપાસના વિસ્તારને શક્ય તેટલું સ્વચ્છ રાખીએ છીએ. દર્શન માટે આવતા ભક્તોએ પણ સાવધ રહેવાની જરૂર છે. અમને વિશ્વાસ છે કે અમારા પ્રિય બાપ્પા અને તેમના મુશકરાજ (ઉંદર,ગણેશ ભગવાનનું વાહન) અમારી દેખરેખ રાખી રહ્યા છે અને અમને આ સંકટમાંથી બચાવશે."
