મુંબઇ: શબની વચ્ચે દર્દીઓની સારવાર, કિરીટ સોમૈયાએ શૅર કર્યો વીડિયો

મુંબઇ: શબની વચ્ચે દર્દીઓની સારવાર, કિરીટ સોમૈયાએ શૅર કર્યો વીડિયો

તસવીર સૌજન્ય ટ્વિટર વીડિયો

મુંબઇના રાજાવાડી હૉસ્પિટલનો એક વીડિયો વાયરલ થઈ રહ્યો છે. આ વીડિયોમાં દેખાય છે કે મૃતદેહની પાસે જ મહિલાની સારવાર થઈ રહી છે. આ વીડિયો વાયરલ થયા પછી બીએમસી હૉસ્પિટલમાં અવ્યવસ્થાઓને લઈને સવાલ ઊભા થઈ રહ્યા છે. આ પહેલા સાઇન હૉસ્પિટલનો વીડિયો વાયરલ થયો હતો.

થોડોક સમય પહેલાં જ મુંબઇના સાયન હૉસ્પિટલનો એક વીડિયો વાયરલ થયો હતો. જેમાં દેખાતું હતું કે કોરોના વાયરસના દર્દીઓની સારવાર મૃતદેહો વચ્ચે કરવામાં આવી રહી છે. હવે ફરી એકવાર એવો વીડિયો વાયરલ થયો છે. આ વીડિયોમાં દેખાય છે કે વૉર્ડની અંદર પ્લાસ્ટિક બૅગમાં મૃતદેહ પૅક કરીને બેડ પર રાખેલું છે. બેડ પર રાખવામાં આવેલા મૃતદેહની પાસે તેમની સારવાર થઈ રહી છે.

ADVERTISEMENT

આ વીડિયોમાં એક મહિલા કહે છે કે જુઓ મૃતદેહોની બાજુમાં જ દર્દીઓના બેડ છે અને ત્યાં જ તેમની સારવાર થઈ રહી છે. આ વીડિયોમાં મૃતદેહની જમણી તરફ એક મહિલા દર્દી બેઠેલાં છે અને ડાબી તરફ દાખલ મહિલા દર્દી વીડિયો બનાવી રહી છે. વીડિયો બનાવનારી મહિલા મરાઠીમાં કંઇક કહી રહી છે.

Now COVID Dead Bodies lying in Wards with Corona Patients at Rajawadi Hospital Ghatkopar. Similar as Sion Hospital, KEM Hospital, Shatabdi Hospital
राजावाडी हॉस्पिटल घाटकोपर येथे कोरोना रूग्णांचा शेजारी वॉर्डमध्ये कोरोना चे मृतदेह पडून आहेत @Dev_Fadnavis @BJP4Maharashtra pic.twitter.com/nECiF0lVkU

— Kirit Somaiya (@KiritSomaiya) May 24, 2020

11-12 કલાક એમ ને એમ રહ્યો મૃતદેહ
મહિલા કહી રહી છે, કે "આ રાજાવાડી હૉસ્પિટલ છે. અહીં એક મૃતદેહ છે જે મહિલાનું છે. મહિલાનું મૃત્યુ કોરોનાવાયરસને કારણે થયું છે. આ મૃતદેહ વૉર્ડમાં લગભગ છેલ્લા 11-12 કલાકથી પડ્યો છે." આ વીડિયો ભાજપ નેતા નીતેશ રાણેએ પણ ટ્વીટ કરીને લખ્યું, "આ ખરેખર પરિવર્તન છે કે હવે અમારે આશા ખોઈ દેવી જોઇએ?

અસહ્ય વેદનામાં જ મહિલાનો ગયો જીવ
વીડિયોમાં મહિલાએ ખુલાસો કર્યો છે કે મરનારી મહિલાએ મૃત્યુ પહેલા ઘણીવાર હૉસ્પિટલ સ્ટાફ પાસેથી પાણી માગ્યું પણ કોઇએ તેને પાણી ન આપ્યું. મહિલાએ કહ્યું, "જ્યારે તેને કોઇએ પાણી ન આપ્યું ત્યારે મેં તેને મારી બોટલમાંથી પાણી પીવડાવ્યું. મને તેને પાણી પીવડાવતી વખતે ડર લાગતો હતો કારણકે મેં ન તો ગ્લવ્સ પહેર્યા હતા કે ન તો માસ્ક પણ મારી પાસે કોઇ જ વિકલ્પ નહોતો. આ મહિલાનું વેદનામાં જ મૃત્યુ થઈ ગયું."

દર્દીઓ સામે રમાય છે મોતનો ખેલ
મહિલાએ જણાવ્યું કે મૃત્યુ બાદ મહિલા દર્દીનો મૃતદેહ હૉસ્પિટલ સ્ટાફે પ્લાસ્ટિક બૅગમાં સીલ કરીને ફરીથી તે જ બેડ પર રાખી દીધું, આ મૃતદેહ ઘણાં કલાકોથી પડ્યો હોવાની વાત મહિલાએ જણાવી.