ગયા વર્ષની સરખામણીએ AC લોકલમાં ૩૦ ટકા પ્રવાસીઓ વધ્યા
વેસ્ટર્ન રેલવેની AC લોકલમાં પ્રવાસીઓની સંખ્યા વધતાં તેઓએ ઊભા રહીને પ્રવાસ કરવો પડી રહ્યો છે. પ્રીતિ ખુમાણ ઠાકુર
મુંબઈમાં ગરમીનો પારો વધી રહ્યો હોવાથી વેસ્ટર્ન રેલવેના પ્રવાસીઓ ઍર-કન્ડિશન્ડ (AC) લોકલની પસંદગી કરી રહ્યા છે. AC લોકલમાં મુસાફરી કરતા પ્રવાસીઓની સંખ્યામાં વધારો થઈ રહ્યો છે. ઉલ્લેખનીય છે કે વેસ્ટર્ન રેલવે પર AC લોકલની શરૂઆત થઈ ત્યારથી પ્રથમ વખત છઠ્ઠી મેએ સૌથી વધુ ૩૭૩૭ સીઝન ટિકિટોનું વેચાણ થયું હતું. મે મહિનામાં (૬ મે સુધી) ૧,૬૦,૬૪૫ ટિકિટ બુક કરવામાં આવી છે, જે ગયા વર્ષના આ સમયગાળાની તુલનામાં ૩૦ ટકા કરતાં વધુ છે. હાલમાં વેસ્ટર્ન રેલવે ૭ રેક સાથે અઠવાડિયાના દિવસોમાં ૯૬ ઍર-કન્ડિશન્ડ સર્વિસ ચલાવે છે.
