અમેરિકામાં સ્થાયી થયેલા મૂળ બનાસકાંઠાના જૈન વેપારી સામે હજારો કરોડ રૂપિયાની કસ્ટમ્સની ચોરી કરવાની સાથે ગેરકાયદે મની ટ્રાન્સફર કરવાનો મામલો નોંધવામાં આવ્યો: મુંબઈના આ ગુજરાતી જ્વેલરની ધરપકડને પગલે મુંબઈ-સુરતની ડાયમન્ડ માર્કેટમાં ભારે ઉચાટ
મુંબઈની કેસી કૉલેજમાં ભણેલો મનોશી દોશી શાહ.
જેમ્સ ઍન્ડ જ્વેલરીનો બિઝનેસ કરતા મુંબઈના અમેરિકામાં રહેતા ગુજરાતીની અમેરિકાના કસ્ટમ્સ વિભાગે મલ્ટિ-મિલ્યન અમેરિકન ડૉલરની કસ્ટમ્સ-ડ્યુટીની ચોરી કરવાની સાથે લાઇસન્સ વિના મની ટ્રાન્સફર કરવાના મામલામાં ધરપકડ કરવામાં આવી છે. આ બિઝનેસમૅન ભારતમાં જ્વેલરી બનાવીને વાયા કોરિયા ખોટાં બિલ તૈયાર કરાવીને અમેરિકામાં ઇમ્પોર્ટ કરી હોવાનું અમેરિકાના કસ્ટમ્સ વિભાગે કરેલી કાર્યવાહીમાં જણાઈ આવ્યું છે. આ જ્વેલરી સુરત અને મુંબઈમાં બનાવવામાં આવી હોવાની શક્યતા છે એટલે બિઝનેસમૅનની ધરપકડ થવાથી કેટલાક મૅન્યુફૅક્ચરર્સના રૂપિયા સલવાઈ જવાની શંકા વ્યક્ત કરવામાં આવી રહી છે એટલે મુંબઈની સાથે સુરતની હીરાબજારમાં ઉચાટ જોવા મળી રહ્યો છે. આરોપી બિઝનેસમૅનની ૨૬ ફેબ્રુઆરીએ ન્યુ જર્સી શહેરમાંથી ધરપકડ કરીને નેવાર્કની કોર્ટમાં રજૂ કરવામાં આવ્યો હતો. કોર્ટે તેને એક લાખ અમેરિકન ડૉલરની શ્યૉરિટી આપીને જામીન મંજૂર કર્યા હતા, પરંતુ તેને ઘરની આસપાસમાં જ રહેવાની શરત રાખવામાં આવી હોવાનું જાણવા મળ્યું હતું.
આખો આર્ટિકલ વાંચવા માટે ગુજરાતી મિડ-ડે એપ્લિકેશન ડાઉનલોડ કરો
એપ ડાઉનલોડ કરવા માટે સ્કેન કરો QR કોડ
