° °

આજનું ઇ-પેપર
Friday, 27 January, 2023


મુંબઈ પોલીસે મારી મદદ ન કરી હોત તો હું ક્યાંયનો ન રહ્યો હોત

22 January, 2023 08:53 AM IST | Mumbai
Mehul Jethva | mehul.jethva@mid-day.com

ઑસ્ટ્રેલિયાથી લગ્ન નિમિત્તે આવેલા ૨૨ વર્ષના ગુજરાતી યુવાનની ચોરી થયેલી બૅગ પોલીસે ૨૪ કલાકમાં શોધી કાઢી

પ્રતીકાત્મક તસવીર

પ્રતીકાત્મક તસવીર

મુંબઈ : ઑસ્ટ્રેલિયાથી લગ્ન નિમિત્તે આવેલા ૨૨ વર્ષના ગુજરાતી વિદ્યાર્થીની બૅગ ઍરપોર્ટ પર ટૅક્સી શોધવા જતાં ટ્રૉલીમાંથી ચોરાઈ ગઈ હતી. પોતે એકલો અને બીજી કોઈ વ્યવસ્થા ન હોવાથી તેની હાલત કફોડી થઈ ગઈ હતી. પહેલાં તો આસપાસ કોઈ મદદ માટે નહોતું મળ્યું. અંતે તે સહાર પોલીસ સ્ટેશનની ઍરપોર્ટ પર આવેલી ચોકીમાં પહોંચ્યો હતો અને ત્યાં હાજર અધિકારીને પોતાની સાથે બનેલી ઘટનાની માહિતી આપતાં પોલીસ તરત જ ઍક્શનમાં આવી ગઈ હતી. ફરિયાદ નોંધતાં પહેલાં જ તેમણે ઍરપોર્ટ ઑથોરિટી પાસેથી સીસીટીવી કૅમેરાનાં ફુટેજ મેળવીને એના આધારે આરોપીની ૨૪ કલાકમાં ધરપકડ કરી હતી અને ફરિયાદીને તેના પૈસા પાછા આપ્યા હતા. મુંબઈ પોલીસે કરેલી આ કામગીરી બદલ યુવકે કહ્યું હતું કે જો પોલીસ મને યોગ્ય સમયે ન મળી હોત તો મારું શું થાત એ વિચારીને હું ગભરાઈ જાઉં છું.

કેન્યામાં રહેતા અને ઑસ્ટ્રેલિયામાં અભ્યાસ કરતા ૨૨ વર્ષના કાંતિલાલ મંજી હીરાનીએ કરેલી ફરિયાદ અનુસાર ૧૭ જાન્યુઆરીએ કચ્છમાં કોટડી ગામમાં એક લગ્ન હોવાથી તે મુંબઈ આવ્યો હતો. બપોરે બે વાગ્યે ફ્લાઇટ લેન્ડ થયા બાદ ઍરપોર્ટની બહાર ટૅક્સી માટે પૂછવા જતાં તેની એક બૅગ ચોરાઈ હતી, જેમાં ૧૨ હજાર રૂપિયા અને અગત્યની ચીજો રાખેલી હતી. થોડી વાર આસપાસ શોધ્યા પછી પણ બૅગ ન મળતાં કાંતિલાલ ખૂબ ગભરાઈ ગયો હતો. અંતે ઍરપોર્ટના સ્ટાફ પાસેથી માહિતી લઈને તે ઍરપોર્ટ પર આવેલી પોલીસચોકીમાં ફરિયાદ નોંધાવવા માટે ગયો હતો. ત્યાં હાજર પોલીસે ફરિયાદ નોંધવા પહેલાં જ આસપાસના સીસીટીવી કૅમેરાનાં ફુટેજ તપાસ્યાં હતાં. એમાં ઍરપોર્ટના ગ્રાઉન્ડ સ્ટાફના બે લોકો ચોરીમાં સામેલ હોવાનું માલૂમ થતાં એની તમામ માહિતી મેળવીને હરીશ પાટીલ અને મોહમ્મદ કુરેશી નામની બે વ્ય​ક્તિની ધરપકડ કરી હતી. બન્ને પાસેથી ચોરી થયેલા પૈસા અને અગત્યના ડૉક્યુમેન્ટ્સ પોલીસે જપ્ત કર્યા હતા અને ફરિયાદીને પાછા આપ્યા હતા.

ફરિયાદી કાંતિલાલ હીરાનીએ ‘મિડ-ડે’ને કહ્યું હતું કે ‘હું મુંબઈ આવી કચ્છ જવા માટે ટૅક્સીની શોધમાં હતો ત્યારે મારી બૅગ ચોરાઈ ગઈ હતી. એક સમયે તો મને એમ થયું હતું કે હવે હું ક્યાં જઈશ અને શું કરીશ? થોડી વાર તો હું ખૂબ જ ગભરાઈ ગયો હતો. જોકે પછી મેં પોલીસ પાસે જઈને મારી સાથે બનેલી ઘટનાની માહિતી આપી હતી. મુંબઈ પોલીસના અધિકારીઓ તરત મારી મદદે આવ્યા હતા. તેમણે ટીમવર્ક કરીને મારા પૈસા અને ડૉક્યુમેન્ટ્સ માત્ર ગણતરીના કલાકોમાં જ પાછા મેળવી આપ્યા હતા. આ માટે હું મુંબઈ પોલીસનો હંમેશાં આભારી રહીશ.’
સહાર પોલીસ સ્ટેશનના એક સિનિયર અધિકારીએ ‘મિડ-ડે’ને કહ્યું હતું કે ‘અમારું કામ છે દરેક નાગરિકને કામ આવવું. આ કેસના મહત્ત્વને સમજીને અમારા અધિકારીઓએ ટીમવર્ક કર્યું હતું અને ફરિયાદીએ આપેલા સ્પૉટ પરના સીસીટીવી કૅમેરાનું ફુટેજ ચેક કરતાં અમને આરોપીઓ મળી આવ્યા હતા. તેમની પાસેથી ૧૦૦ ટકા રિકવરી કરીને અમે ફરિયાદીને તેના પૈસા અને ડૉક્યુમેન્ટ્સ પાછા આપ્યા હતા.’

22 January, 2023 08:53 AM IST | Mumbai | Mehul Jethva

અન્ય લેખો

મુંબઈ સમાચાર

Mumbai: માનવતાને શરમાવી, સગીર બાળકી સાથે દુષ્કર્મ, આરોપીની ધરપકડ

મુંબઈમાંથી ફરી એક શરમજનક કિસ્સો સામે આવ્યો છે, જ્યાં એક સગીર બાળકી પર બળાત્કાર થયો હતો. પોલીસે આરોપીની ધરપકડ કરી લીધી છે. પીડિતાની ફરિયાદના આધારે આરોપી વિરુદ્ધ આરએકે માર્ગ પોલીસ સ્ટેશનમાં કેસ નોંધવામાં આવ્યો છે.

26 January, 2023 08:55 IST | Mumbai | Gujarati Mid-day Online Correspondent
મુંબઈ સમાચાર

બોરીવલીની આ હૉસ્પિટલમાંથી જપ્ત કરાઈ ગેરકાયદે વેચાતી સેક્સ પાવર વધારવાની ગોળીઓ

ફૂડ એન્ડ ડ્રગ એડમિનિસ્ટ્રેશનના હેડક્વાર્ટર ખાતેના ઈન્ટેલિજન્સ ડિવિઝનને મુંબઈમાં બોડી બિલ્ડિંગ માટે સ્ટેરોઈડ ઈન્જેક્શન અને અન્ય દવાઓના ગેરકાયદે વેચાણ વિશે વિશ્વસનીય માહિતી મળી હતી

26 January, 2023 01:20 IST | Mumbai | Gujarati Mid-day Online Correspondent
મુંબઈ સમાચાર

બોગસ પાસપોર્ટ-વિઝા બનાવવાના રૅકેટમાં બે જણની ધરપકડ

અંધેરીમાં ચાલતા આ ગોરખધંધામાં આરોપીઓ પાસેથી અનેક દેશના ઇમિગ્રેશન વિભાગના નકલી સ્ટૅમ્પ સહિતની સામગ્રી મળી

26 January, 2023 12:26 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK