° °

આજનું ઇ-પેપર
Monday, 06 February, 2023


મુખ્યપ્રધાન અને નાયબ મુખ્યપ્રધાને કરી સમૃદ્ધિ હાઈવેની ટેસ્ટ રાઈડ; ફડણવીસના હાથમાં `સ્ટિયરિંગ`

04 December, 2022 08:28 PM IST | Mumbai
Gujarati Mid-day Online Correspondent | gmddigital@mid-day.com

વડાપ્રધાન નરેન્દ્ર મોદી નાગપુરથી શિરડી સુધીના સમૃદ્ધિ હાઈવેના પ્રથમ તબક્કાનું ઉદ્ઘાટન કરશે

તસવીર સૌજન્ય: પીટીઆઈ

તસવીર સૌજન્ય: પીટીઆઈ

વડાપ્રધાન નરેન્દ્ર મોદી (PM Narendra Modi) નાગપુરથી શિરડી સુધીના સમૃદ્ધિ હાઈવે (Samruddhi Highway)ના પ્રથમ તબક્કાનું ઉદ્ઘાટન કરશે. આજે મુખ્યપ્રધાન એકનાથ શિંદે (CM Eknath Shinde), નાયબ મુખ્યપ્રધાન દેવેન્દ્ર ફડણવીસ (Dy CM Devendra Fadnavis) સમૃદ્ધિ હાઈવેની સમીક્ષા કરવા માટે `ટેસ્ટ રાઈડ` પર ગયા હતા. નાગપુરથી આ કાફલો શિરડી જવા રવાના થયો હતો. મુખ્યપ્રધાન અને નાયબ મુખ્યપ્રધાન એક જ કારમાં હતા. રસપ્રદ વાત એ છે કે કારનું `સ્ટિયરિંગ` નાયબ મુખ્યપ્રધાન દેવેન્દ્ર ફડણવીસના હાથમાં હતું.

વડાપ્રધાન નરેન્દ્ર મોદી 11 ડિસેમ્બરે નાગપુરની મુલાકાતે જવાના છે. તે દરમિયાન પીએમ સમૃદ્ધિ હાઇવેનું ઉદ્ઘાટન કરશે. તે પહેલા આજે મુખ્યપ્રધાન એકનાથ શિંદે અને નાયબ મુખ્યપ્રધાન દેવેન્દ્ર ફડણવીસ નાગપુરથી શિરડી સુધીના હાઈવેનું નિરીક્ષણ કર્યું હતું. ટેસ્ટ રાઈડ માટે રવાના થતા પહેલા મુખ્યપ્રધાન અને નાયબ મુખ્યપ્રધાનએ રામટેકના સાંસદ કૃપાલ તુમાનેના નિવાસસ્થાનની મુલાકાત લીધી હતી.

તે પછી, મુખ્યપ્રધાન અને નાયબ મુખ્યપ્રધાને નાગપુર નજીક સમૃદ્ધિ માર્ગ પર ઝીરો માઇલ્સ (હાઇવેના પ્રારંભિક બિંદુ)થી તેમની યાત્રા શરૂ કરી. તેમણે નાગપુરથી શિરડી સુધીની 521 કિલોમીટરની યાત્રા કરી. નિર્ધારિત પ્રવાસ મુજબ તેઓ સાંજે 5 વાગે શિરડી પહોંચ્યા, જે બાદ મુખ્યપ્રધાન શિરડી એરપોર્ટથી નવી દિલ્હી જવા રવાના થયા.

મીડિયા સાથે વાત કરતા મુખ્યપ્રધાન એકનાથ શિંદેએ કહ્યું કે, “આ ખૂબ જ ગર્વની વાત છે કે આ હાઈવેનું વડાપ્રધાનના હસ્તે ઉદ્ઘાટન થઈ રહ્યું છે. તેમ જ અમે રાજમાર્ગનું ઉદ્ઘાટન કરવાનો લહાવો મેળવીને ખુશ છીએ.” તો નાયબ મુખ્યપ્રધાન દેવેન્દ્ર ફડણવીસે કહ્યું કે, “સમૃદ્ધિ હાઈવે વિદર્ભના વિકાસ માટે મહત્ત્વપૂર્ણ રહેશે. મુખ્યપ્રધાન એકનાથ શિંદે આ હાઈવેનું નિરીક્ષણ કરી ચૂક્યા છે. તેથી આ વખતે હું ટેસ્ટ રાઈડનો આનંદ માણી રહ્યો છું.”

આ પણ વાંચો: સોલાપુરમાં જુડવા બહેનોએ જિંદગીભર સાથે રહેવા માટે એક જ મુરતિયા સાથે કર્યાં લગ્ન

11 ડિસેમ્બરે વડાપ્રધાન નરેન્દ્ર મોદી સમૃદ્ધિ હાઇવેની સાથે નાગપુર મેટ્રોની રીચ 2 અને રીચ 3 લાઇનનું ઉદ્ઘાટન કરશે. ગઈકાલે નાયબ મુખ્યપ્રધાન દેવેન્દ્ર ફડણવીસે પણ તેની સમીક્ષા કરી હતી. વડાપ્રધાનની મુલાકાતને લઈને સુરક્ષા તંત્ર દ્વારા ચુસ્ત બંદોબસ્ત ગોઠવવામાં આવ્યો છે.

04 December, 2022 08:28 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

ફડણવીસની ધરપકડના કાવતરાના માસ્ટરમાઇન્ડ શરદ પવાર હતા?

કામગાર નેતા અને વકીલ ગુણરત્ન સદાવર્તેએ એનસીપીના ચીફ પર કર્યો ગંભીર આરોપ: તત્કાલીન પોલીસ કમિશનર સંજય પાંડેની મદદથી ફસાવવાનો પ્લાન કરાયો હતો, પણ ફાવ્યા નહીં

26 January, 2023 11:24 IST | Mumbai | Gujarati Mid-day Correspondent
મુંબઈ સમાચાર

ઠાકરે સરકારે મને જેલમાં નાખવાનો ટાર્ગેટ કમિશનર સંજય પાંડેને આપ્યો હતોઃ ફડણવીસ

નાયબ મુખ્ય પ્રધાને મહાવિકાસ આઘાડી સરકારે પોતાને નિશાન બનાવવાનો નિષ્ફળ પ્રયાસ કર્યો હોવાનું કહ્યું

25 January, 2023 10:56 IST | Mumbai | Gujarati Mid-day Correspondent
મુંબઈ સમાચાર

યે સબ આપકે સપોર્ટ સે હુઆ હૈ

ગઈ કાલે એલ. ટી. માર્ગ પોલીસ સ્ટેશનમાં કાપડના વેપારીઓને હેરાન કરીને ખંડણી માગતા મહારાષ્ટ્ર માથાડી કર્મચારી કામગાર યુનિયન (રજિ.) - થાણેના સેક્રેટરી સુભાષ યાદવ સામે એફઆઇઆર નોંધાતાં ભારત મર્ચન્ટ્સ ચેમ્બરે દેવેન્દ્ર ફડણવીસ અને ‘મિડ-ડે’નો માન્યો આભાર

22 January, 2023 08:06 IST | Mumbai | Rohit Parikh

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK