Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > મીરા રોડમાં ટિકીટબારી સુધી પહોંચી રિક્ષા

મીરા રોડમાં ટિકીટબારી સુધી પહોંચી રિક્ષા

29 August, 2023 11:05 AM IST | Mumbai
Gujarati Mid-day Correspondent | feedbackgmd@mid-day.com

નશામાં ધુત ડ્રાઇવર એને ત્યાં લઈ આવ્યો હતો, પણ પ્રવાસીઓએ તેને અટકાવીને રેલવે પોલીસને હવાલે કર્યો

દારૂના નશામાં ધુત રિક્ષાચાલકે મીરા રોડ સ્ટેશનની ટિકીટબારી સુધી રિક્ષા પહોંચાડી દીધી  હતી

દારૂના નશામાં ધુત રિક્ષાચાલકે મીરા રોડ સ્ટેશનની ટિકીટબારી સુધી રિક્ષા પહોંચાડી દીધી હતી


મીરા રોડ રેલવે સ્ટેશન પર નશાની હાલતમાં એક રિક્ષાચાલક તેની રિક્ષા ટિકીટબારી સુધી લઈ ગયો હતો. આવા ભીડભાડ ધરાવતા સ્ટેશન પર ગઈ કાલે સવારે ૯ વાગ્યે આ ઘટના બનતાં આશ્ચર્ય વ્યક્ત થઈ રહ્યું છે. જોકે આ ઘટના વખતે હાજર નાગરિકોએ આ રિક્ષાવાળાને અટકાવીને રેલવે પોલીસને હવાલે કરી દીધો હતો.

આવી વિચિત્ર ઘટના ગઈ કાલે સવારે બની જ્યારે ઓનમ નિમિત્તે કેરલના નાગરિકો મીરા રોડ રેલવે સ્ટેશન પર રંગોળી કરવા માટે ભેગા થયા હતા. આ સમયે તેમણે મીરા રોડ-ઈસ્ટને અડીને આવેલી ટિકીટબારી પાસે એક રિક્ષા આવતી જોઈ હતી. તેઓ બૂમ પાડીને રિક્ષા તરફ દોડ્યા હતા. એ જોઈને રિક્ષાચાલક પણ મૂંઝવણમાં મુકાઈ ગયો હતો અને ફરીથી બહારની દિશાએ જવા લાગ્યો હતો. પહેલાં તે સ્ટેશન પરિસરમાં આવ્યો અને અનેક ફેરિયાઓનો સામાન ઉડાડતો ટિકિટબારી પાસે પહોંચ્યો હતો. રિક્ષા ઊભી રહ્યા બાદ નાગરિકો રિક્ષાચાલકને પૂછવા લાગ્યા હતા ત્યારે તે દારૂ પીધેલી હાલતમાં હતો.



દરમ્યાન અન્ય રિક્ષાચાલકો તેને છોડાવવા રેલવે સ્ટેશનની અંદર દોડી આવ્યા હતા, પરંતુ ઘટના ગંભીર હોવાથી નાગરિકોએ આ વિશે રેલવે પોલીસને ફરિયાદ કરી હતી. એ પછી રેલવે પોલીસે રિક્ષાચાલકને તાબામાં લીધો હતો. આ બનાવમાં કોઈને ઈજા નહોતી થઈ, પરંતુ ફેરિયાઓના માલનું નુકસાન થયું હતું.


Whatsapp-channel Whatsapp-channel

29 August, 2023 11:05 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK