Nepal PM Resigns: નેપાળમાં ચાલતા વિરોધ પ્રદર્શન ઉગ્ર થયા બાદ કાઠમાંડૂના રસ્તાઓ ભડકે બળી રહ્યા છે. દેશમાં ભડકેલી વિદ્રોહની આગ શાંત ન પડતા પીએમ કેપી ઓલીએ પોતાના પદેથી રાજીનામું આપી દીધું છે.
નેપાળમાં વિરોધ
Nepal PM Resigns: નેપાળમાં ચાલતા વિરોધ પ્રદર્શન ઉગ્ર થયા બાદ કાઠમાંડૂના રસ્તાઓ ભડકે બળી રહ્યા છે. દેશમાં ભડકેલી વિદ્રોહની આગ શાંત ન પડતા પીએમ કેપી ઓલીએ પોતાના પદેથી રાજીનામું આપી દીધું છે.
સોશિયલ મીડિયા પર બૅનને લઈને શરૂ થયેલ પ્રોટેસ્ટ હવે મોટી બંધારણીય મુશ્કેલીમાં ફેરવાયું છે. પ્રદર્શનના પહેલા દિવસે તો સોશિયલ મીડિયા મુદ્દો બની રહ્યો પણ તેના પરથી પ્રતિબંધ ખસેડાયા બાદ બીજા દિવસે સંપૂર્ણ ફોકસ કેપી ઓલીની સરકારને પાડવા પર ખસેડવામાં આવ્યો. કેપી ઓલીએ સ્થિતિ જોતા રાજીનામું આપી દીધું છે. તેમના આર્મી ચીફે પણ રાજીનામાંની માગ કરી હતી અને નેપાળી કૉંગ્રેસે પણ તેમને એ જ સલાહ આપી હતી.
ADVERTISEMENT
કહેવામાં આવી રહ્યું છે કે સેંકડો વિરોધીઓ તેમની ઑફિસમાં ઘૂસી ગયા હતા, જેના પછી તેમણે પોતાના પદ પરથી રાજીનામું આપી દીધું હતું. પીએમ ઓલીએ રાષ્ટ્રપતિને રાજીનામું આપી દીધું છે. દેશમાં ચાલી રહેલી હિંસા અને બળવાને કારણે તેમને પોતાનું પદ છોડવું પડ્યું છે. તેમના 4 કેબિનેટ મંત્રીઓએ પહેલાથી જ રાજીનામું આપી દીધું હતું. સૂત્રોના જણાવ્યા અનુસાર, ઓલી આ પછી દુબઈ જઈ શકે છે.
નેપાળની રાજધાની કાઠમંડુમાં સ્થિત ત્રિભુવન આંતરરાષ્ટ્રીય વિમાનમથક (TIA) મંગળવારે સંપૂર્ણપણે બંધ કરી દેવામાં આવ્યું છે. સ્થાનિક મીડિયા અહેવાલો અનુસાર, દેશમાં વધતી જતી અશાંતિ, સુરક્ષા ચિંતાઓ અને ગોથાતર સહિત આસપાસના વિસ્તારોમાં આગ લાગવાની ઘટનાઓને કારણે આ પગલું લેવામાં આવ્યું છે. આને કારણે, ઘણી સ્થાનિક અને આંતરરાષ્ટ્રીય ફ્લાઇટ્સ રદ કરવામાં આવી છે, જેનાથી હજારો મુસાફરો પ્રભાવિત થયા છે. હિંસાના વધતા પ્રકોપને ધ્યાનમાં રાખીને, નેપાળના વડા પ્રધાન કે. પી. શર્મા ઓલીએ રાજીનામું આપી દીધું છે.
દેશ છોડવાની તૈયારી કરી રહ્યા છે ઘણા નેતાઓ
સેંકડો વિરોધીઓ તેમની ઑફિસમાં ઘૂસી ગયા બાદ નેપાળના વડા પ્રધાન ઓલીએ રાજીનામું આપી દીધું છે. વ્યાપક વિરોધ વચ્ચે, એવા અહેવાલો છે કે નેપાળના ઘણા મોટા નેતાઓ દેશ છોડી શકે છે. નેપાળી રાજકારણીઓ તેમના પરિવારો સાથે દેશ છોડવાની યોજના બનાવી રહ્યા છે. રાજધાની કાઠમંડુ ઉપર હેલિકોપ્ટર ફરતા હોવાના અહેવાલો છે. જોકે, હજુ સુધી સત્તાવાર રીતે પુષ્ટિ થઈ નથી કે કોઈ નેતા દેશ છોડીને ભાગી ગયા છે.
ઍરપોર્ટ પર ફ્લાઇટ્સ રોકી દેવામાં આવી, વિમાનો લખનઉ તરફ વાળવામાં આવ્યા
નેપાળના નાગરિક ઉડ્ડયન સત્તામંડળના એક વરિષ્ઠ અધિકારીએ જણાવ્યું હતું કે હવાઈ સલામતી માટે પ્રતિકૂળ પરિસ્થિતિઓને કારણે ઍરપોર્ટ અનિશ્ચિત સમય માટે બંધ કરવામાં આવ્યું છે. જે વિમાનો પહેલાથી જ આકાશમાં હતા તેમને પાછા ફરવાનું કહેવામાં આવ્યું છે. ઘણા વિમાનોને ઉતરાણની પરવાનગી ન મળવાને કારણે પાછા ફરવું પડ્યું અથવા અન્ય સ્થળોએ વાળવામાં આવ્યા.
ઍર ઇન્ડિયા અને ઇન્ડિગો ફ્લાઇટ્સ પ્રભાવિત
કાઠમંડુ ઍરપોર્ટ બંધ થવાથી ઘણી ભારતીય ફ્લાઇટ્સ પણ પ્રભાવિત થઈ છે. ઘણા વિમાનોને નેપાળ ઉપર ફર્યા પછી પાછા ફરવું પડ્યું અથવા અન્ય ઍરપોર્ટ પર વાળવામાં આવ્યા. મુસાફરોને ફ્લાઇટની સ્થિતિ વિશે માહિતી મેળવવા માટે તેમની ઍરલાઇન્સનો સંપર્ક કરવાની સલાહ આપવામાં આવી છે. ઍર ઇન્ડિયાના પ્રવક્તાએ જણાવ્યું હતું કે, "કાઠમંડુની વર્તમાન પરિસ્થિતિને ધ્યાનમાં રાખીને, દિલ્હી-કાઠમંડુ-દિલ્હી રૂટ પર ચાલતી ફ્લાઇટ્સ AI2231/2232, AI2219/2220 અને AI217/218 આજે રદ કરવામાં આવી છે. અમે પરિસ્થિતિ પર ઝીણવટથી નજર રાખી રહ્યા છીએ અને વધુ માહિતી શૅર કરીશું. ઍર ઇન્ડિયામાં, અમારા મુસાફરો અને ક્રૂની સલામતી સૌથી વધુ પ્રાથમિકતા છે." આ ઉપરાંત, કાઠમંડુ જતી ઇન્ડિગો ઍરલાઇન્સની ફ્લાઇટને લખનઉમાં લૅન્ડ કરવાનું કહેવામાં આવ્યું હતું.
સોમવારે સવારે, 19 વિરોધીઓના મૃત્યુથી ગુસ્સે ભરાયેલા ટોળાએ રાષ્ટ્રપતિ અને વડા પ્રધાનના અંગત નિવાસસ્થાનોને આગ ચાંપી દીધી હતી અને મંત્રીઓને તેમના ઘરોમાં બંધક બનાવ્યા હતા, ત્યારબાદ તેમને હેલિકોપ્ટર દ્વારા બચાવી લેવામાં આવ્યા હતા. પડોશી દેશ નેપાળમાં સોશિયલ મીડિયા પર પ્રતિબંધ સાથે શરૂ થયેલી બળવાની આગ હવે સમગ્ર નેપાળમાં ભડકે બળી રહી છે. પરિસ્થિતિ એવી છે કે નવી પેઢીના યુવાનો હાથમાં પથ્થરો અને લાકડીઓ લઈને નેપાળના તમામ વિસ્તારોમાં ફરતા હોય છે. પોલીસ તેમને કાબૂમાં લેવા માટે પરસેવો પાડી રહી છે. તેમણે સંસદ ભવનમાં ઘૂસીને આગ લગાવી અને મહત્ત્વપૂર્ણ બંધારણીય હોદ્દા ધરાવતા હાઇ-પ્રોફાઇલ લોકોના ઘરોમાં તોડફોડ કરી.
