° °

આજનું ઇ-પેપર
Monday, 06 February, 2023


ચીન ઝીરો કોવિડ પૉલિસી પડતી મૂકશે તો વીસ લાખ લોકોનાં મોત થઈ શકે

05 December, 2022 10:30 AM IST | Beijing
Gujarati Mid-day Correspondent | feedbackgmd@mid-day.com

વૅક્સિનેશનનું ઓછું પ્રમાણ અને હર્ડ ઇમ્યુનિટીનો અભાવ જેવાં પરિબળોના કારણે ચીન સહિત જુદા-જુદા દેશોના સાયન્ટિસ્ટ્સનો આવો અંદાજ છે

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર

શાંઘાઈ : ચીનની સરકાર આખરે ઝીરો કોવિડ પૉલિસીની વિરુદ્ધ લોકોના આક્રોશના કારણે ઝૂકી હોય એમ જણાય છે. ચીને ઝીરો કોવિડ પૉલિસીને હળવી કરવા પગલાં લેવાની શરૂઆત કરી છે.
ચીનમાંથી કોરોનાને ફેલાતો રોકવા માટેનાં તમામ નિયંત્રણોને હટાવી લેવામાં આવે તો એવી સ્થિતિમાં કેટલા લોકોનાં મોત થઈ શકે એના વિશે સંશોધકોએ ઍનૅલિસિસ કર્યું છે. મોટા ભાગના સંશોધકોએ ધ્યાન દોર્યું છે કે વૅક્સિનેશનનું ઓછું પ્રમાણ અને હર્ડ ઇમ્યુનિટીના અભાવે કોરોના વાઇરસ મોટી સંખ્યામાં લોકોનો જીવ લઈ શકે છે.

નોંધપાત્ર વાત એ છે કે અમેરિકાના નૅશનલ ઇન્ટેલિજન્સના ડિરેક્ટર એવરિલ હેઇન્સે કહ્યું હતું કે કોરોનાની મહામારીના કારણે ચીન અનેક પડકારોનો સામનો કરી રહ્યું હોવા છતાં ચીનના પ્રેસિડન્ટ શી જિનપિંગ પશ્ચિમી દેશોની વૅક્સિનને સ્વીકારવા માટે તૈયાર નથી.

ચીનના ગુઆંગશી પ્રદેશમાં સેન્ટર ફૉર ડિસીઝ કન્ટ્રોલના વડા ઝુઓ જિયાતોંગે કહ્યું હતું કે જો ચીન કોરોનાને ફેલાતો રોકવા માટેનાં નિયંત્રણો હળવા કરશે તો ચીનમાં ૨૦ લાખથી વધુનાં મોતનું જોખમ છે. કોરોનાના કેસ વધીને ૨૩.૩૦ કરોડ સુધી પહોંચી શકે છે.

નેચર મેડિસિનમાં પબ્લિશ્ડ ચીન અને અમેરિકાના સાયન્ટિસ્ટ્સના એક રિસર્ચ અનુસાર જો ચીન વૅક્સિનેશન અને લોકોને સારવાર પહોંચાડવા માટેના પ્રયાસો વધાર્યા વિના ઝીરો કોવિડ પૉલિસીને પડતી મૂકશે તો કોરોનાના કારણે અહીં ૧૫ લાખ લોકોનાં મોતનું જોખમ છે.

બ્રિટિશ સાયન્ટિફિક ઇન્ફર્મેશન ઍન્ડ ઍનલિટિક્સ કંપની ઍરફિનિટીએ તાજેતરમાં જણાવ્યું હતું કે જો ચીન એની ઝીરો કોવિડ પૉલિસીને પડતી મૂકશે તો અહીં ૧૩ લાખથી ૨૧ લાખ લોકોનાં મોત થઈ શકે છે. 

05 December, 2022 10:30 AM IST | Beijing | Gujarati Mid-day Correspondent

અન્ય લેખો

ઈન્ટરનેશનલ સમાચાર

આહોહોહો… અમેરિકામાં તાપમાન -૪૬ ડિગ્રી સેલ્સિયસ સુધી પહોંચ્યું

વેધર સર્વિસ ફોરકાસ્ટર બોબ ઓરવેકે જણાવી હવામાનની સ્થિતિ

04 February, 2023 06:11 IST | New Hampshire | Gujarati Mid-day Online Correspondent
ઈન્ટરનેશનલ સમાચાર

ડૉક્યુમેન્ટરી વિવાદમાં યુકેએ કર્યો બીબીસીની સ્વતંત્રતાનો બચાવ

બ્રિટનના વડા પ્રધાનના પ્રવક્તાએ કહ્યું કે અમે ભારતને એક મહત્ત્વનો ભાગીદાર ગણીએ છીએ તેમ જ વધુ રોકાણ દ્વારા આ સંબંધને વધુ મજબૂત બનાવીશું

03 February, 2023 11:29 IST | London | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK