° °

આજનું ઇ-પેપર
Sunday, 29 January, 2023


સતત ચોથા દિવસે નલિયા ગુજરાતનું સૌથી વધુ ઠંડુંગાર નગર બની રહ્યું

19 January, 2023 12:22 PM IST | New Delhi
Gujarati Mid-day Correspondent | feedbackgmd@mid-day.com

ગુજરાતમાં કડકડતી ઠંડીનો પ્રકોપ યથાવત્, જોકે બેત્રણ દિવસમાં ઠંડીમાંથી થોડીઘણી રાહત મળવાના સંકેત

પ્રતિકાત્મક ફાઇલ તસવીર

પ્રતિકાત્મક ફાઇલ તસવીર

અમદાવાદ : ગુજરાતમાં કડકડતી ઠંડી અને ઠંડાગાર પવનનો પ્રકોપ ગઈ કાલે પણ યથાવત્ રહેવા પામ્યો છે. એમાં પણ કચ્છમાં આવેલું નલિયા જાણે કે ગુજરાતનું કાશ્મીર બની ગયું છે. સતત ચોથા દિવસે ગુજરાતનું સૌથી વધુ ઠંડુંગાર નગર બની રહ્યું હતું. જોકે ગુજરાતના લોકો માટે કડકડતી ઠંડી ઉડાડતા રાહતના સમાચાર એ છે કે આગામી બેત્રણ દિવસમાં ઠંડીમાંથી થોડીઘણી રાહત મળે એવા સંકેતો હવામાન વિભાગે આપ્યા છે. શિયાળામાં ઠંડીના બીજા રાઉન્ડમાં ગુજરાતમાં કડકડતી ઠંડી ગઈ કાલે ચોથા દિવસે પણ બરકરાર રહેવા પામી હતી. એમાં પણ અમદાવાદ સહિત કેટલાંય સ્થળોએ સવાર-સવારમાં સુસવાટા મારતા ઠંડા પવનો વાતા નાગરિકો ઠંડીથી પરેશાન થયા હતા. કચ્છમાં ઠંડીનો પારો ગગડતાં નલિયા, રાપર, અબડાસા ઉપરાંત ઉત્તર ગુજરાતમાં ખાસ કરીને ડીસા તરફના ગ્રામીણ વિસ્તારમાં સવાર-સવારમાં વેહિકલ પર આછોપાતળો બરફ જામતો હોવાનું જાણવા મળ્યું છે.

નલિયામાં ગઈ કાલે ૩.૮ ડિગ્રી મિનિમમ તાપમાન રહેવા પામ્યું હતું. ગુજરાતનાં ૮ શહેરો અને બે જિલ્લામાં પારો ગગડીને ૧૦ ડિગ્રીથી નીચે ગયો હતો. ડીસામાં ૮.૮, ભુજમાં ૯.૨ ડિગ્રી મિનિમમ તાપમાન રહેવા પામ્યું હતું.

19 January, 2023 12:22 PM IST | New Delhi | Gujarati Mid-day Correspondent

અન્ય લેખો

ગુજરાત સમાચાર

જાડાં ધાન્યની વાનગીઓનો રસથાળ બનાવ્યો તાપી જિલ્લાની મહિલાઓએ

તાપી જિલ્લાના વ્યારામાં બાજરી, જુવાર, રાગી, નાગલી જેવાં જાડાં ધાન્યમાંથી મહિલાઓએ ગોળપાપડી, ખીચડો, થેપલાં, મૂઠિયાં, ઢોકળાં, પૂડલા સહિત અવનવી ડિશ બનાવી

29 January, 2023 10:07 IST | Mumbai | Gujarati Mid-day Online Correspondent
ગુજરાત સમાચાર

ડબલ ટ્રબલઃ ગુજરાતમાં મહા મહિનામાં પડ્યો માવઠાનો માર

અમદાવાદ સહિત ગુજરાતમાં ઠેર-ઠેર પડ્યો કમોસમી વરસાદ, અષાઢી માહોલથી રવી પાકને નુકસાનની ભીતિથી ખેડૂતોમાં ચિંતાનાં વાદળ ઘેરાયાં, એક તરફ કડકડતી ઠંડી અને બીજી તરફ કમોસમી વરસાદ પડતાં નાગરિકોને બેવડી ઋતુની બેવડી તકલીફ કરવી પડી સહન

29 January, 2023 09:55 IST | Ahmedabad | Shailesh Nayak
ગુજરાત સમાચાર

મોરબી બ્રિજ હોનારતના કેસમાં ૧૨૦૦ પેજની ચાર્જશીટ દાખલ કરવામાં આવી

આ ચાર્જશીટમાં મુખ્ય આરોપી અને ‘ભાગેડુ’ તરીકે ઓરેવા ગ્રુપના જયસુખ પટેલનું નામ ઉમેરવામાં આવ્યું

28 January, 2023 11:04 IST | Ahmedabad | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK