Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > ભારત હારશે એવું વહુએ કહેતાં સાસરિયાં સાથે બબાલ થઈ

ભારત હારશે એવું વહુએ કહેતાં સાસરિયાં સાથે બબાલ થઈ

21 November, 2023 09:35 AM IST | Ahmedabad
Gujarati Mid-day Correspondent | feedbackgmd@mid-day.com

માસાસસરા સાથે બોલાચાલી બાદ વિવાદ વકરતાં વહુએ ૧૮૧ મહિલા હેલ્પ લાઇનને ફોન કરતાં પોલીસે મામલો થાળે પાડ્યો

પ્રતીકાત્મક તસવીર

પ્રતીકાત્મક તસવીર


ભારત અને ઑસ્ટ્રેલિયા વચ્ચે અમદાવાદના નરેન્દ્ર મોદી સ્ટેડિયમમાં રમાયેલી વર્લ્ડ કપની ફાઇનલ મૅચે કરોડો ક્રિકેટરસીકોના હાર્ટ-બ્રેક કર્યા છે ત્યારે નવસારી જિલ્લાના એક ગામમાં વર્લ્ડ કપની ફાઇનલ મૅચને લઈને થયેલા વિવાદમાં સમજાવટના કારણે એક ફૅમિલી તૂટતી બચી ગઈ છે. ફૅમિલી સૌ સાથે મળીને મૅચ જોઈ રહ્યા હતા એ વખતે વર્લ્ડ કપની મૅચ ભારત હારશે એવું વહુએ કહેતાં સાસરિયાં સાથે બબાલ થઈ હતી. આ ઝઘડો એવો તો ઉગ્ર બન્યો કે વહુએ ૧૮૧ અભયમ, મહિલા હેલ્પ લાઇનને ફોન કરતાં પોલીસે આવીને મામલો થાળે પાડ્યો હતો અને વહુ અને સાસરિયાં વચ્ચે સમાધાન કરાવ્યું હતું.

ગણદેવી તાલુકાના એક ગામમાં સાથે મળીને સૌ મૅચ જોઈ રહ્યા હતા એ દરમ્યાન વહુએ એવું કહ્યું હતું કે ભારત મૅચ હારી જશે. આ સાંભળીને તેના માસાસસરા અને પરિવારના બીજા સભ્યો ઉશ્કેરાઈ ગયા હતા અને આવું કેમ કહ્યું એમ કહીને વહુની સાથે ઝઘડો કર્યો હતો. આ વિવાદ વકરતાં વહુએ ૧૮૧ મહિલા હેલ્પ લાઇનમાં મદદ માટે ફોન કર્યો હતો.



નવસારીમાં ૧૮૧ મહિલા હેલ્પ લાઇનનાં કાઉન્સેલર કૃપાલી પટેલે ‘મિડ-ડે’ને કહ્યું હતું કે ‘ગણદેવી તાલુકાના ધમડાચા ગામે રહેતા એક પરિવારના સભ્યો સૌ સાથે મળીને તેમના મામાના ઘરે વર્લ્ડ કપની મૅચ જોવા એકઠા થયા હતા. આ દરમ્યાન આ ઘરની વહુએ એમ કહ્યું હતું કે ભારત હારી જશે. આમ બોલતાં જ તેમના માસાસસરા સાથે બોલાચાલી થઈ હતી. અમને આ ઘટનાની જાણ ફોન દ્વારા થતાં બે ફૅમિલીના સભ્યોને એકઠા કરીને સમજાવ્યા હતા કે આ ગેમ છે જેમાં કોઈ એક ટીમ જીતે અને બીજી ટીમ હારે, ખેલદિલી રાખીને મૅચ જોવી જોઈએ. ૩૫થી ૪૦ મિનિટ સુધી બન્ને પક્ષોને સાંભળીને તેમનો મામલો થાળે પાડ્યો હતો અને બન્ને પક્ષ વચ્ચે સુમેળભર્યું વાતાવરણ ઊભું કરીને વહુને તેના સાસરે મોકલી હતી.’


Whatsapp-channel Whatsapp-channel

21 November, 2023 09:35 AM IST | Ahmedabad | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK