અલ્પેશ ઠાકોરનું કૉંગ્રેસને બ્લૅકમેઇલિંગ,ટિકિટ નહીં મળે તો જોયા જેવી થશે

અલ્પેશ ઠાકોરનું કૉંગ્રેસને બ્લૅકમેઇલિંગ,ટિકિટ નહીં મળે તો જોયા જેવી થશે

અલ્પેશ ઠાકોર

મારી લોકસભાની ચૂંટણી લડવાની કોઈ જ ઇચ્છા નથી એવું કહેનાર અલ્પેશ ઠાકોર હવે કૉંગ્રેસ હાઈકમાન્ડને પોતાને ટિકિટ મળે એ માટે બ્લૅકમેઇલિંગ કરી રહ્યો છે. કૉંગ્રેસનાં રાજકીય સૂત્રોના જણાવ્યા અનુસાર અલ્પેશે ગુજરાતના કૉંગ્રેસી નેતાઓને અલ્ટિમેટમ પણ આપ્યું છે કે જો મને લોકસભાની ટિકિટ ના મળી તો જોયા જેવી થશે. અલ્પેશની આ જીદનું સમાધાન કરવા ધાનાણી-ચાવડા દિલ્હીમાં રાહુલ ગાંધીને મળવા પહોંચ્યા છે.

પાટણ બેઠક પરથી જગદીશ ઠાકોરને ટિકિટ આપવાનું કૉંગ્રેસે મન બનાવી લેતાં અલ્પેશ ઠાકોરે નારાજ થયો છે. અલ્પેશે ધાનાણી અને ચાવડાને બ્લેકમેઇલિંગ કરવાનું શરૂ કર્યું છે. આ સાથે સાબરકાંઠા બેઠક પરથી ઠાકોર સેનાના ધવલસિંહ ઝાલાને ટિકિટ આપવા માટે પણ લોબિંગ કરી રહ્યો છે. જોકે અમિત ચાવડાએ જગદીશ ઠાકોર સાથે એકમત થઈ અલ્પેશને ચૂંટણીપ્રચારમાં લાગી જવા સૂચવ્યું છે.

ADVERTISEMENT

આ પણ વાંચો : કૉંગ્રેસ ગરીબી હટાવી ન શકી, હવે જુઠા વાયદાઓ કરે છે : વિજય રૂપાણી

હાર્દિક પટેલને જામનગર લોકસભા બેઠક પરથી કૉંગ્રેસ ઉમેદવારી કરાવશે એવું નિશ્ચિત બનતાં અલ્પેશ ઠાકોર પણ હાઈકમાન્ડ પાસે પહોંચ્યો છે. સૂત્રોના કહેવા મુજબ અલ્પેશે હાઈકમાન્ડને કહ્યું છે કે જો હાર્દિકને લોકસભા લડાવો તો હું માત્ર ધારાસભ્ય ના રહી શકું.