° °

આજનું ઇ-પેપર
Wednesday, 01 February, 2023


ચૂંટણીનો બીજો તબક્કો : મતદાનમથકેથી લાઇવ અગેઇન

06 December, 2022 08:56 AM IST | Ahmedabad
Kiran Joshi | feedbackgmd@mid-day.com

ગુજરાત વિધાનસભા ચૂંટણીના પહેલા તબક્કામાં માંડ ૬૦ ટકા જેટલું મતદાન થવાથી ચોંકી ઊઠેલા ત્રણેય પક્ષોએ બીજા તબક્કામાં ભરપૂર મતદાન થાય એ માટે ભરપૂર મહેનત કરી છે

ફાઇલ તસવીર ઇધર-ઉધર કી

ફાઇલ તસવીર

ગુજરાત વિધાનસભા ચૂંટણીના પહેલા તબક્કામાં માંડ ૬૦ ટકા જેટલું મતદાન થવાથી ચોંકી ઊઠેલા ત્રણેય પક્ષોએ બીજા તબક્કામાં ભરપૂર મતદાન થાય એ માટે ભરપૂર મહેનત કરી છે. એના પરિણામ સ્વરૂપે ગઈ કાલે મતદાનમથકે લાગેલી ઍનાકૉન્ડા જેવડી લાંબી લાઇનોમાંની એક લાઇનમાં ઊભેલા મતદાર સાથે અમારા પત્રકારે વાતચીત કરી. પ્રસ્તુત છે એ (કાલ્પનિક) સંવાદના અંશ... 
પત્રકાર : સૌથી પહેલાં તો તમને અભિનંદન અને તમારો આભાર કે તમે મતદાન કરવા આવ્યા.
ગ્રામજન : આર યુ ક્રેઝી ઑર વૉટ? મને તો એવું કહીને બોલાવવામાં આવ્યો છે કે ગુજરાતમાંથી દારૂબંધી હટી ગઈ છે અને દારૂ મેળવવા માટેના ખાસ રૅશન કાર્ડની વહેંચણી ચાલે છે. 
પત્રકાર : ના, એવું નથી. કોઈએ તમને ગેરમાર્ગે દોર્યા છે. 
ગ્રામજન : ખરેખર? આવી તે કંઈ મજાક હોતી હશે? હું નાહી-ધોઈને તૈયાર થઈને ભઠ્ઠીએ દારૂ પીવા જ નીકળતો હતો ત્યાં એક પાર્ટીનો કાર્યકર આવીને આવું કહીને મને અહીં લઈ આવ્યો. એનો મતલબ એ કે તે હરામખોર મને ગોળી પીવડાવી ગયો. કાયમી શરાબના ચક્કરમાં મેં આજે સવારનો શરાબ પણ ગુમાવ્યો.
 પત્રકાર : (ચહેરા પર સ્મિત સાથે) તો અંદર જઈને શરાબબંધી ઉઠાવવાનું જેમણે વચન આપ્યું છે એ નેતાની પાર્ટીને વોટ આપી આવજો. 
ગ્રામજન : હા, શંકરસિંહ વાઘેલા વારંવાર આવી વાતો કરીને અમારા જેવાઓના મોઢામાં પાણીની રેલમછેલ કરાવી દે છે, પણ... 
પત્રકાર : પણ... શું? બોલતાં-બોલતાં કેમ અટકી ગયા? 
ગ્રામજન : પણ શંકરસિંહ વાઘેલાએ અત્યાર સુધી એટલી બધી પાર્ટીઓ બદલી છે કે અત્યારે મને યાદ પણ નથી કે તે કઈ પાર્ટીમાં છે. મને તો નવાઈ એ વાતની લાગે છે કે ૭૫-૮૦ની ઉંમરે તેમને કેવી રીતે યાદ રહેતું હશે કે અત્યારે તે કઈ પાર્ટીમાં છે?
પત્રકાર : શરાબબંધી હટી જાય એવું સાચે જ જો તમે ઇચ્છો છો તો દાયકાઓથી ગુજરાતમાં જેની સરકાર છે એ બીજેપીના કોઈ નેતા સમક્ષ એ વિશે રજૂઆત કેમ નથી કરતા? 
ગ્રામજન : બીજેપીના નેતાઓની એક તકલીફ એ છે કે જો આપણે મોદીજીની ટીકા કરીએ તો કહે છે, ‘તમે પાકિસ્તાન કેમ ચાલ્યા જતા નથી?’ અને જો દારૂબંધીની ટીકા કરીએ તો કહે છે, ‘તમે રાજસ્થાન કે મહારાષ્ટ્ર કેમ ચાલ્યા જતા નથી?’ 

06 December, 2022 08:56 AM IST | Ahmedabad | Kiran Joshi

અન્ય લેખો

ગુજરાત સમાચાર

ગુજરાતમાં લોકસભાની તમામ ૨૬ બેઠક જીતીને હૅટ-ટ્રિક કરવાનું બીજેપીનું લક્ષ્ય

વિરોધીઓની ડિપોઝિટ ડૂલ થાય એ રીતે લોકસભાની ચૂંટણી જીતવાનો ટાર્ગેટ રખાયો સુરેન્દ્રનગરમાં બીજેપીની કાwરોબારીમાં

25 January, 2023 10:35 IST | Ahmedabad | Shailesh Nayak
ગુજરાત સમાચાર

Gujarat: અમિત ચાવડા ધારાસભ્ય દળના નેતા બન્યા, જાણો ઉપ નેતા કોણ?

ગુજરાતમાં કૉંગ્રેસે મંગળવારે અમિત ચાવડાને ધારાસભ્ય પક્ષના નેતા તરીકે નિમણૂક કરવામાં આવી છે.

17 January, 2023 07:22 IST | Ahmedabad | Gujarati Mid-day Online Correspondent
ગુજરાત સમાચાર

ઉત્તરાયણ, દિવાળી અને નવરાત્રિનું ફ્યુઝન

અમદાવાદમાં રાત પડતાં જ ઉત્તરાયણનું પર્વ જાણે કે દિવાળી પર્વમાં ફેરવાઈ ગયું હોય એમ ફટાકડા ફૂટ્યા અને ઉત્સવપ્રેમીઓ ગરબે પણ ઘૂમ્યા : નેતાઓએ પતંગ ચગાવી

15 January, 2023 09:05 IST | Ahemdabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK