સૂર્યાસ્ત પછી માણો ટોક્યોનો નવો અંદાજ: TOKYO SKYTREEમાં એક યાદગાર સાંજ

સાંજ ઢળવાના થોડા સમય પહેલાં TOKYO SKYTREE® પહોંચવાનો અનુભવ જ અલગ છે. જમીનથી 350 મીટરની ઊંચાઈએ આવેલા Tembo Deck પરથી નજર કરો તો ટોક્યો જાણે ચારેય દિશામાં અનંત સુધી ફેલાયેલું દેખાય. ઊંચી ઇમારતો, રસ્તાઓ અને રેલવે લાઇન્સ મળીને શહેરનું દ્રશ્ય રચાય છે.

તસવીર સૌજન્ય - પીઆર

સૂર્યાસ્ત પછી જાપાનનાં ટોક્યોની રફતાર ધીમી પડતી નથી, બલકે શહેર જાણે એક નવા જ સ્વરૂપમાં જીવંત થાય છે. ઑફિસોની બારીઓમાં લાઇટ્સ ઝગમગવા લાગે છે, રોશનીથી ઝળહળતા વિસ્તારોમાંથી ટ્રેનો પસાર થાય છે, રસ્તાઓ પરનાં સાઇનબોર્ડ અને દુકાનો ચમકી ઊઠે છે અને દિવસ દરમિયાન જોયેલાં જાણીતાં સ્થળો રાતના અંધકારમાં સાવ જુદાં દેખાવા લાગે છે. આ બદલાતા ટોક્યોને ઊંચાઈ પરથી જોવાનો અનુભવ કરાવે છે TOKYO SKYTREE®. અહીં સાંજ ઢળતી જોવાથી લઈને રોશનીમાં ઝગમગતું ટોક્યો નિહાળવા અને ત્યાર બાદ ડાઇનિંગ, શોપિંગ તથા એન્ટરટેઇનમેન્ટ માણવા સુધી આખી સાંજનું આયોજન થઈ શકે છે.

તમારી નજર સામે બદલાતું ટોક્યો

ADVERTISEMENT

સાંજ ઢળવાના થોડા સમય પહેલાં TOKYO SKYTREE® પહોંચવાનો અનુભવ જ અલગ છે. જમીનથી 350 મીટરની ઊંચાઈએ આવેલા Tembo Deck પરથી નજર કરો તો ટોક્યો જાણે ચારેય દિશામાં અનંત સુધી ફેલાયેલું દેખાય. ઊંચી ઇમારતો, રસ્તાઓ અને રેલવે લાઇન્સ મળીને શહેરનું એવું વિશાળ ચિત્ર રચે છે જે રસ્તા પર ઊભા રહીને ક્યારેય જોઈ ન શકાય. દિવસનું અજવાળું ધીમે ધીમે ઓસરવા લાગે તેમ હજારો લાઇટ્સ શહેરની નવી રૂપરેખા દોરવા માંડે છે. રસ્તાઓ રોશનીની લાંબી પટ્ટીઓ જેવા દેખાય છે, વિસ્તારો ઝગમગતા પ્રકાશના સમૂહોમાં ફેરવાય છે અને રાતના આકાશ સામે ટોક્યોની દૂર સુધી ફેલાયેલી સ્કાઇલાઇન વધુ નાટ્યાત્મક બની જાય છે. દિવસ દરમિયાન અહીંથી ટોક્યો કેટલું વિશાળ છે તેનો અંદાજ આવે છે, જ્યારે રાત્રે આ જ નજારો શહેરની ઊર્જા અને તેની સતત ધબકતી રફતારનો પરિચય કરાવે છે.

ઊંચાઈ પરથી જાપાનની પાનખરનો રંગ

આ સીઝનમાં TOKYO SKYTREE®ની મુલાકાતમાં વધુ એક અનુભવ ઉમેરાય છે, ‘DISCOVER AUTUMN at TOKYO SKYTREE®’. જાપાનની પાનખરના રંગો અને સુંદરતાને સમર્પિત આ મર્યાદિત સમય માટેના આયોજનમાં ઑબ્ઝર્વેશન ડેકને પાનખરની થીમ પ્રમાણે સજાવવામાં આવે છે. દિવસ દરમિયાન આ સજાવટ ઋતુના રંગોની અનુભૂતિ કરાવે છે, જ્યારે સૂર્યાસ્ત પછી રોશનીથી સજાવેલા ડિસ્પ્લે અને નીચે ઝગમગતું ટોક્યો મળીને વાતાવરણને સાવ જુદું રૂપ આપે છે. શહેરથી આટલી ઊંચાઈએ રહીને જાપાનની પાનખરને આ રીતે માણવાનો અનુભવ TOKYO SKYTREE®ની મુલાકાતને વધુ ખાસ બનાવે છે.

હજુ ઊંચે જવું હોય તો Tembo Galleria

350 મીટર પણ પૂરતા ન લાગે તો આગળ છે Tembo Galleria, જે જમીનથી 450 મીટરની ઊંચાઈ સુધી લઈ જાય છે. કાચથી ઘેરાયેલો ઢોળાવવાળો કોરિડોર ટાવરની આસપાસ વળાંક લેતો ઉપર તરફ જાય છે અને આગળ વધતાં ટોક્યોને જોવાના નવા નવા ખૂણા ખુલતા જાય છે. ખાસ કરીને રાત્રે, જ્યારે સેંકડો મીટર નીચે આખું શહેર રોશનીમાં ઝગમગતું હોય, ત્યારે અહીં થોડો સમય રોકાઈને માત્ર એ વિશાળ નજારો જોવાની પણ પોતાની મજા છે. TOKYO SKYTREE®નો રાતનો અનુભવ માત્ર ઑબ્ઝર્વેશન ડેક સુધી સીમિત નથી.

Floor 345 પર આવેલું Sky Restaurant 634 (Musashi) જાપાનીઝ અને ફ્રેન્ચ રસોઈના આધુનિક સંયોજન સાથે ટોક્યોનો પેનોરમિક નજારો આપે છે. એટલે અહીં ડિનર માત્ર ભોજન નહીં, પરંતુ આખી સાંજના અનુભવનો જ એક ભાગ બની જાય છે. થોડું હળવું ખાવું કે પીવું હોય તો Tembo Deck પર આવેલું SKYTREE CAFE એક વિકલ્પ છે. નીચે ઝગમગતા શહેરને જોતાં અહીં ડ્રિન્ક્સ અને હળવો નાસ્તો માણી શકાય છે. પાનખરની સીઝન દરમિયાન અહીં મર્યાદિત સમય માટે ખાસ ઑટમ ડ્રિન્ક્સ પણ ઉપલબ્ધ છે, જેને રંગબેરંગી પાનખરનાં પાંદડાંથી પ્રેરિત સજાવટ આપવામાં આવે છે.

નીચે ઊતરીને શોપિંગ અને એન્ટરટેઇનમેન્ટ

ઊંચાઈ પરથી ટોક્યો જોયા પછી સાંજ પૂરી કરવાની ઉતાવળ કરવાની જરૂર નથી. TOKYO SKYTREE®ના તળિયે આવેલું Tokyo Solamachi® શોપિંગ અને એન્ટરટેઇનમેન્ટ કૉમ્પ્લેક્સ છે. અહીં રેસ્ટોરાં અને કૅફેની સાથે જાપાનીઝ સોવેનિયર્સ અને બીજી અનેક વસ્તુઓની દુકાનો છે. એટલે સાઇટસીઇંગ પછી ડિનર, કૉફી કે નિરાંતે શોપિંગ કરતાં સાંજ આગળ વધારી શકાય છે.

આ ઉપરાંત વિશાળ TOKYO SKYTREE TOWN®માં Sumida Aquarium અને Konica Minolta Planetarium Tenku જેવા વિકલ્પો પણ છે. એટલે અહીં આવવાનો અર્થ માત્ર ઊંચાઈ પરથી શહેર જોવું એટલો જ નથી. અને છેલ્લે... SKYTREEને જ જોવાનું ભૂલશો નહીં આખી સાંજ ટોક્યોને ઉપરથી જોયા પછી એક નજારો છેલ્લે માટે સાચવી રાખવા જેવો છે, નીચે ઊતરીને TOKYO SKYTREE® તરફ નજર કરવાનો. સૂર્યાસ્ત પછી રોશનીથી ઝળહળતો આ ટાવર ટોક્યોની સ્કાઇલાઇનના એક લેન્ડમાર્કમાંથી રાતના શહેરની ઓળખ સમાન દૃશ્યમાં ફેરવાઈ જાય છે. થોડી વાર પહેલાં તમે આ જ ટાવરની ઊંચાઈ પરથી નીચે ફેલાયેલા ટોક્યોને જોઈ રહ્યા હતા અને હવે જમીન પરથી માથું ઊંચું કરીને એ જ SKYTREEને જોવાનો અનુભવ જાણે આખી યાત્રાનું વર્તુળ પૂરું કરે છે. સાંજના અજવાળામાં બદલાતું શહેર જોવાથી શરૂઆત કરીને, ઊંચાઈ પરથી પાનખરના રંગો માણવા, ઝગમગતી સ્કાઇલાઇન સામે ડિનર કરવા અને અંતે પ્રકાશિત SKYTREEને નીચેથી નિહાળવા સુધી, અહીંની એક સાંજ ટોક્યોને માત્ર ઉપરથી જોવાનો નહીં, પરંતુ તમારી નજર સામે દિવસમાંથી રાતમાં બદલાતા આ મહાનગરને અનુભવવાનો મોકો આપે છે.