° °

આજનું ઇ-પેપર
Monday, 08 August, 2022


ઊંઘ ન આવતી હોય તો આ ડિવાઇસ હાલરડાં કરતાંય વધુ અસરકારક છે

29 March, 2022 10:19 AM IST | Mumbai
Gujarati Mid-day Correspondent | feedbackgmd@mid-day.com

કંપનીનો દાવો છે કે આ ડિવાઇસ એટલું સાયન્ટિફિકલી ડિઝાઇન થયું છે કે એનાથી વર્ષો સુધી સ્લીપિંગ પિલ્સનો ઉપયોગ કરતા લોકોની દવા પણ છૂટી ગઈ છે

ઊંઘ ન આવતી હોય તો આ ડિવાઇસ હાલરડાં કરતાંય વધુ અસરકારક છે મારી પાસે પણ હોય

ઊંઘ ન આવતી હોય તો આ ડિવાઇસ હાલરડાં કરતાંય વધુ અસરકારક છે

જસ્ટ આઠ જ મિનિટમાં તમને ઘેરી નીંદરમાં પોઢાડી દેવાનો દાવો કરતું ટચૂકડું ડિવાઇસ છેલ્લા છ-સાત મહિનામાં જબરદસ્ત લોકપ્રિયતા પામ્યું છે. કંપનીનો દાવો છે કે આ ડિવાઇસ એટલું સાયન્ટિફિકલી ડિઝાઇન થયું છે કે એનાથી વર્ષો સુધી સ્લીપિંગ પિલ્સનો ઉપયોગ કરતા લોકોની દવા પણ છૂટી ગઈ છે

જ્યારે ઊંઘ ન આવે અને મોડી રાત સુધી પથારીમાં પડખાં ઘસ્યા કરવાં પડે ત્યારે એની અસર બીજા દિવસની પ્રોડક્ટિવિટી પર પણ પડે છે. આખા દિવસનું કામ બરાબર ન થાય એનું સ્ટ્રેસ અને ચિંતા ફરી રાતની ઊંઘ હરામ કરી દે છે. જો તમને કામનું સ્ટ્રેસ હોય, ઇમોશનલ પ્રૉબ્લેમ્સ હોય કે પછી હળવા વિચારવાયુની સમસ્યા સતાવતી હોય તો ડોડોવ સ્લીપ ડિવાઇસ એક વાર જરૂર અજમાવી શકાય. એની ખાસિયત એ છે કે એનાથી આપમેળે શ્વસનતંત્ર રિધમમાં આવે છે અને એક વાર શ્વાસોચ્છ્વાસ પર કાબૂ આવે એટલે નીંદરરાણી જરૂર આવી જ જાય. 
હવે જાણીએ આ ડિવાઇસમાં છે શું? આમ તો આ ડિવાઇસ બીજું કંઈ જ નથી કરતું પણ બ્લુ રંગનો પ્રકાશ ફેંકે છે. ચપટી તાસક જેવી પ્લાસ્ટિકની ડિશ હોય છે જેની ઉપરની સરફેસ ટચ સેન્સિટિવ છે. એને ટચ કરો એટલે એમાંથી ખૂબ હળવો બ્લુ રંગનો પ્રકાશ ફેલાય. ગોળ સર્કલમાં આ પ્રકાશ ધીમે-ધીમે ફેલાય અને પાછો ધીમે-ધીમે સંકોરાતો જાય. આ ડિવાઇસ બીજું કંઈ જ ન કરે, માત્ર આ પ્રકાશનું રાઉન્ડ નાનું-મોટું થયા કરશે. એ ડિવાઇસનો ઉપયોગ ઊંઘ માટે કરવો હોય તો તમારે એ બ્લુ લાઇટના રાઉન્ડની રિધમમાં શ્વાસ લેવાનો અને કાઢવાનો છે. જેવું લાઇટનું સર્કલ મોટું થતું જાય તમારે શ્વાસ અંદર ભરવાનો છે અને જેવું સર્કલ નાનું થતું જાય એટલે તમારે શ્વાસ કાઢવાનો છે.
ફ્રેન્ચ કાર્ડિયોલૉજી ફેડરેશન દ્વારા આ ટેક્નૉલૉજી અપ્રૂવ થયેલી છે અને ખાસ કરીને ફાઇટર જેટ પાઇલટ્સ પર પ્રયોગ કરીને એની અસરકારકતા પુરવાર પણ થઈ ચૂકી છે. ખાસ કરીને જેટલેગને કારણે દિવસ-રાતની સાઇકલમાં ગરબડ થઈ હોય ત્યારે સૂવામાં તકલીફ પડતી હોય તો એમાં પણ આ ડિવાઇસ કામનું છે. કંપનીની વેબસાઇટ પર દાવો થઈ રહ્યો છે કે અત્યાર સુધીમાં લગભગ ૮.૮૦ લાખથી વધુ લોકોને આ ડિવાઇસથી આઠ મિનિટની અંદર જ ઊંઘ આવી ગઈ છે. 
સ્ટેપ બાય સ્ટેપ વાપરતાં શીખો
૧. ડિવાઇસની ઉપરની સરફેસને એક વાર ટચ કરશો તો આઠ મિનિટ માટે ડિવાઇસ ઑન રહેશે. બે વાર ટચ કરશો તો વીસ મિનિટ માટે. 
૨. ડિવાઇસ ઑન થતાં જ બ્લુ લાઇટનું સર્કલ નાનું-મોટું થવા લાગશે. તમારે પથારીમાં સીધા સીલિંગ તરફ મોં રાખીને સૂવાનું છે અને એ સર્કલની રિધમમાં શ્વાસ લેવાનો અને કાઢવાનો છે. 
૩. આઠ કે વીસ મિનિટે આપમેળે ડિવાઇસ બંધ થઈ જશે અને તમે ક્યારે સૂઈ ગયા એની ખબર પણ નહીં પડે.
૪. ક્યારેક અડધી રાતે ઊંઘ ઊડી જાય તો પણ પલંગની બાજુના સાઇડ ટેબલ પર આ ડિવાઇસ રાખેલું હોય તો તરત જ એનો ઉપયોગ કરવાનું પણ સરળ છે.

 
કિંમત : 
૬૩૦૦ રૂપિયા 
ક્યાંથી મળશે? : ઍમેઝૉન પર 
વેબસાઇટ : mydodow.com

29 March, 2022 10:19 AM IST | Mumbai | Gujarati Mid-day Correspondent

અન્ય લેખો

સાયન્સ એન્ડ ટૅક્નોલૉજી

આસપાસની રેસ્ટોરાં, શૉપિંગ સ્ટોર શોધવા માટે સોશ્યલ મીડિયા કઈ રીતે વાપરશો?

તમારા મોબાઇલમાં ટ‍્વિટર, વિકીપીડિયા, સ્નૅપચૅટ કે ઇન્સ્ટાગ્રામ જેવાં સોશ્યલ મીડિયા થકી પણ તમે અજાણી જગ્યાએ હો તોય આસપાસમાંથી કેટલાંક જાણીતાં લોકેશન્સ શોધી શકો છો. એ કઈ રીતે શક્ય છે એ જાણીએ

05 August, 2022 08:55 IST | Mumbai | Harsh Desai
સાયન્સ એન્ડ ટૅક્નોલૉજી

ઑગસ્ટથી જ દેશમાં શરૂ થઈ જશે 5G સેવાઓ: આ કંપની કરશે શરૂઆત

5 વર્ષમાં 50 કરોડથી વધુ 5G યુઝર્સ હશે

04 August, 2022 06:19 IST | Mumbai | Gujarati Mid-day Online Correspondent
સાયન્સ એન્ડ ટૅક્નોલૉજી

હવાઈ મુસાફરી દરમ્યાન ખોવાયેલા લગેજને શોધી આપશે આ ગૅજેટ્સ

ઍરલાઇન્સમાં ઘણી વાર લગેજ ખોવાઈ જાય છે અથવા તો એ પાછળ રહી જાય છે અને એવા સમયે એને ટ્રૅક કરતા રહેવા માટે કેટલાંક ડિવાઇસ મદદરૂપ થઈ શકે છે

29 July, 2022 11:59 IST | Mumbai | Harsh Desai

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK