° °

આજનું ઇ-પેપર
Friday, 27 January, 2023


Google Doodle: ગણતંત્ર દિવસના અવસરે ગૂગલે શૅર કર્યું ભારતની છબી દર્શાવતું ડૂડલ

26 January, 2023 10:55 AM IST | Mumbai
Gujarati Mid-day Online Correspondent | gmddigital@mid-day.com

ડૂડલ આર્ટવર્ક હાથથી કાપેલા કાગળમાંથી જટિલ રીતે બનાવવામાં આવ્યું છે. પ્રજાસત્તાક દિવસની પરેડની ઝલક ડૂડલમાં સામેલ કરવામાં આવી છે

તસવીર સૌજન્ય: ગૂગલ

તસવીર સૌજન્ય: ગૂગલ

ભારતમાં આજે 74મો ગણતંત્ર દિવસ (Republic Day) ઊજવાઈ રહ્યો છે. આ ખાસ અવસર પર ગૂગલે ડૂડલ (Google Doodle) દ્વારા દેશવાસીઓ માટે આજનો દિવસ વધુ ખાસ બનાવ્યો છે. આજનું ડૂડલ અમદાવાદ, ગુજરાતના કલાકાર `પાર્થ કોઠેકર`નું છે. ખાસ વાત એ છે કે આ ડૂડલ હાથથી કાપેલા કાગળની મદદથી તૈયાર કરવામાં આવ્યું છે, જેમાં નવી દિલ્હીના કર્તવ્ય પથ પર યોજાનારી ઝાંખીનું નિરૂપણ કરવામાં આવ્યું છે.

ડૂડલ આર્ટવર્ક હાથથી કાપેલા કાગળમાંથી જટિલ રીતે બનાવવામાં આવ્યું છે. પ્રજાસત્તાક દિવસની પરેડની ઝલક ડૂડલમાં સામેલ કરવામાં આવી છે. રાષ્ટ્રપતિ ભવન ઈન્ડિયા ગેટ, CRPF માર્ચિંગ ટીમ અને મોટરસાઈકલ સવાર ટુકડીને તેમાં સામેલ કરવામાં આવી છે. ગૂગલે યુટ્યુબ પર એક વીડિયો શૅર કર્યો છે, જેમાં દર્શાવવામાં આવ્યું છે કે કેવી રીતે કાગળ કાપીને આ ડૂડલ તૈયાર કરવામાં આવ્યું છે. કલાકાર પાર્થ કહે છે કે તેને તૈયાર કરવામાં 4 દિવસનો સમય લાગ્યો હતો. તેણે દરરોજ છ કલાક કામ કર્યું હતું. એટલે કે આ આર્ટવર્કને બનતા કુલ ૨૪ કલાકનો સમય લાગ્યો હતો.

વર્ષ 1950માં આ દિવસે, ભારતે બંધારણને અપનાવીને પોતાને એક સાર્વભૌમ, લોકશાહી અને પ્રજાસત્તાક દેશ જાહેર કર્યો. ભારતે 1947માં બ્રિટિશ સામ્રાજ્યથી તેની સ્વતંત્રતા મેળવી અને તેના પછી તરત જ તેનું બંધારણ તૈયાર કરવાનું શરૂ કર્યું. ભારતની બંધારણ સભાને બંધારણના દસ્તાવેજની ચર્ચા, સુધારણા અને બહાલી આપવામાં બે વર્ષ લાગ્યા અને જ્યારે તેને અપનાવવામાં આવ્યું ત્યારે ભારત સૌથી લાંબુ લેખિત બંધારણ ધરાવતો દેશ બન્યો. આ દસ્તાવેજને અપનાવવાથી લોકશાહીનો માર્ગ મોકળો થયો અને ભારતીય નાગરિકોને તેમના પ્રતિનિધિઓ પસંદ કરવાનો અધિકાર મળ્યો.

આ પણ વાંચો: મહારાષ્ટ્ર સાથે બૉર્ડર વિવાદ પર કર્ણાટકે લીગલ ટીમની રોજની ફી ૫૯.૯ લાખ નક્કી કરી

આજે, આ અવસર પર રાષ્ટ્રપતિ દ્રૌપદી મુર્મુ 74માં પ્રજાસત્તાક દિવસની ઉજવણીમાં સવારે 10.30 કલાકે ફરજ પથ પરથી નિકળતી પરેડની સલામી લેશે. પરેડની કમાન્ડ પરેડ કમાન્ડર, લેફ્ટનન્ટ જનરલ ધીરજ સેઠ, અતિ વિશેષ સેવા મેડલ, સેકન્ડ જનરેશન આર્મી ઑફિસર કરશે. પ્રજાસત્તાક દિવસની પૂર્વ સંધ્યાએ રાષ્ટ્રપતિ મુર્મુએ રાષ્ટ્રને સંબોધનમાં કહ્યું હતું કે, “અમે બાબાસાહેબ આંબેડકરની અપેક્ષાઓ પર ઘણી હદ સુધી ખરા ઉતર્યા છીએ. ગાંધીજીના આદર્શો હજુ સિદ્ધ થવાના બાકી છે.”

26 January, 2023 10:55 AM IST | Mumbai | Gujarati Mid-day Online Correspondent

અન્ય લેખો

સાયન્સ એન્ડ ટૅક્નોલૉજી

Microsoft Outlook અને Teamsની સર્વિસ ઠપ, કલાકો સુધી યૂઝર્સ થયા હેરાન, કરી ફરિયાદ

માઇક્રોસૉફ્ટની તમામ સર્વિસ ઘણીવાર સુધી ઠપ રહી. જો કે, હવે તે રિસ્ટોર કરી લેવામાં આવી છે. માઇક્રોસૉફ્ટ આઉટલૂક કામ કરવા માંડ્યું છે. અમુક સમય સુધી અહીં મેઇલ સર્ચ કરી શકાતા નહોતા.

25 January, 2023 07:16 IST | Mumbai | Gujarati Mid-day Online Correspondent
સાયન્સ એન્ડ ટૅક્નોલૉજી

હવે દર વર્ષે નવી ડાયરીની જરૂર નહીં પડે: ૩૬ પાનાંની આ રૉકેટબુક વરસોવરસ ચાલશે

સાવ હલકીફૂલકી એવી આ પૉકેટબુક તમારાં રોજિંદાં કામોને એકદમ સરળ બનાવી દે છે. એમાં ચાહે એટલું લખો, દોરો, સ્કૅન કરો, ભૂંસો અને ફરી-ફરીને વાપર્યા કરો

23 January, 2023 04:23 IST | Mumbai | Gujarati Mid-day Correspondent
સાયન્સ એન્ડ ટૅક્નોલૉજી

વૉટ્સઍપમાં આવી રહ્યો છે ઑડિયો સ્ટેટસ અને નોટિફિકેશનમાંથી બ્લૉકનો ઑપ્શન

યુઝર્સના ડેટાની પ્રાઇવસી માટે અને લિન્ક પર ભૂલમાં ક્લિક કરવાથી કોઈ છેતરપિંડી ન થાય એ માટે બ્લૉકનો ઑપ્શન નોટિફિકેશનમાં આપવામાં આવી રહ્યો છે તેમ જ ટાઇપ કરવાનું ન ગમતું હોય એ લોકો માટે ઑડિયો રેકૉર્ડિંગ સ્ટેટસ આપવામાં આવી રહ્યું છે

20 January, 2023 05:50 IST | Mumbai | Harsh Desai

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK