° °

આજનું ઇ-પેપર
Monday, 18 October, 2021


ઍન્ટિબાયોટિક્સનો લેતી વખતે ખોરાક કેવો હોવો જોઈએ?

31 August, 2021 11:08 AM IST | Mumbai | Yogita Goradia

પ્રો-બાયોટિક દવાઓ લેવા કરતાં દહીં ન ખાઈ શકાય? આ દરમિયાન મારે કયો ખોરાક ખાવો જેથી મારું પેટ સ્વસ્થ રહે એ બાબતે મને માર્ગદર્શન આપશો.

પ્રતીકાત્મક તસવીર

પ્રતીકાત્મક તસવીર

હું બાવન વર્ષની છું. હાલમાં મારું એક ઑપરેશન થયું છે. જોકે મને અત્યારે ઘણું સારું છે પરંતુ ઑપરેશન પછી મને હેવી ઍન્ટિબાયોટિક્સ ડૉક્ટરે આપી છે. પરંતુ એની સાથે તેમણે મને પ્રો-બાયોટિક દવાઓ પણ લેવાનું કહ્યું છે. પ્રો-બાયોટિક દવાઓ લેવા કરતાં દહીં ન ખાઈ શકાય? આ દરમિયાન મારે કયો ખોરાક ખાવો જેથી મારું પેટ સ્વસ્થ રહે એ બાબતે મને માર્ગદર્શન આપશો.
 
જ્યારે પણ ઍન્ટિબાયોટિક્સનો લાંબો કોર્સ લેવાનો હોય ત્યારે શરીરની વધુ કાળજી જરૂરી છે. આમ તો ઍન્ટિબાયોટિક્સનો કોર્સ ૩ કે ૫ દિવસનો હોય છે પરંતુ જરૂરિયાત મુજબ ડૉક્ટર્સ દવાઓ આપતા હોય છે. તમારા ડૉક્ટરે તમને જે દવા આપી છે એ મુજબ તમારે લઈ જ લેવી. એમાં વિચાર ન કરવો. 
ઍન્ટિબાયોટિક્સ દવાઓ સાથે પ્રો-બાયોટિકની જરૂર એટલે પડે છે કારણ કે ઍન્ટિબાયોટિક્સ દવાઓ પેટમાં રહેલા ખરાબ બૅક્ટેરિયાની સાથે-સાથે સારા બૅક્ટેરિયાનો પણ નાશ કરે છે, જેને લીધે પાચન મંદ પડી જાય છે. આમ તો તમે નૅચરલ પ્રો-બાયોટિક ખાઓ તો વધુ સારું જ ગણાય, પરંતુ મોટા ભાગના દરદીઓ આ બાબતે ધ્યાન આપતા નથી. નૅચરલ પ્રો-બાયોટિક ક્યારેક લે અને ક્યારેક ન લે એવું કરે. આ પરિસ્થિતિમાં ડૉક્ટર્સ વિચારતા હોય છે કે દવાઓ આપી દઈએ જેથી રેગ્યુલર ખવાય. 
તમે કોર્સ શરૂ કરો ત્યારે એ ધ્યાન રાખો કે ઍન્ટિબાયોટિક્સના કોર્સ દરમિયાન હેવી ફૂડ ન લેવું. સરળતાથી પચી જાય એવો ખોરાક જ ખાવો. દાળ-કઠોળનું પ્રમાણ અને તેલ-ઘીનું પ્રમાણ ઓછું કરી નાખવું. દૂધ પણ બિલકુલ બંધ રાખવું, કારણ કે દૂધ ઍસિડિક છે. ઍન્ટિબાયોટિક્સ લેતા હોઈએ ત્યારે શરીરમાં ઍસિડ વધુ બને એટલે દૂધ ન લેવું. દૂધની વાનગીઓ પનીર અને ચીઝ ન ખાવાં. મસાલાવાળો ખોરાક ન લેવો. આ સિવાય દહીં અને છાશ ભરપૂર લઈ શકાય. દહીંમાં શેકેલું જીરું બેસ્ટ ગણાશે. લીંબુનો ઉપયોગ કરી શકાય જેથી પાચનને બળ મળે. વરિયાળીનું પાણી અને પલાળેલી કાળી દ્રાક્ષ પણ ફાયદાકારક છે. આ પ્રકારનો ખોરાક ઍન્ટિબાયોટિક્સનો કોર્સ કરતા હોય એ પછી પણ અઠવાડિયા-દસ દિવસ સુધી ચાલુ રાખો તો ફાયદો જ છે. કોર્સ પતી જાય પછી પણ દહીં, છાશ છોડવા નહીં.

31 August, 2021 11:08 AM IST | Mumbai | Yogita Goradia

અન્ય લેખો

હેલ્થ ટિપ્સ

World Anesthesia Day:દર્દીના જીવન બચાવવામાં એનેસ્થેસિયા નિષ્ણાતોનો મહત્ત્વનો હાથ

ડૉ. તન્મય તિવારીએ જણાવ્યું કે “એનેસ્થેસિયાનો ઉપયોગ સૌપ્રથમ વર્ષ 1846માં થયો હતો. ત્યારથી, આજ સુધીની સફરમાં, એનેસ્થેસિયાના નિષ્ણાતો દર્દીની સલામતીને સર્વોપરી માનીને પોતાનું કામ કરે છે."

16 October, 2021 03:41 IST | Mumbai | Gujarati Mid-day Online Correspondent
હેલ્થ ટિપ્સ

World Spine Day 2021: જાણો કરોડરજ્જુના દુખાવાના 3 મુખ્ય કારણો અને ઉપાયો

ડૉ. અગ્રવાલ કહે છે “દર કલાકે 6 મિનિટ વોક કરવામાં આવે તો કરોડરજ્જુને થતું નુકસાન ટાળી શકાય છે. આ સિવાય દરરોજ બાળકોના પોઝ, કેટ અને ગાયના પોઝ જેવા યોગાસન કરો. આ બાળકોની જેમ બાળકો સાથે રમવા જેવું જ છે, પરંતુ ડૉક્ટરની સલાહ લો.”

16 October, 2021 02:59 IST | Mumbai | Gujarati Mid-day Online Correspondent
હેલ્થ ટિપ્સ

બાળકને કરમિયાની તકલીફ વધી જાય ત્યારે શું કરવું?

બાળકોના પેટમાં કરમિયા થતા જ હોય છે અને ચોમાસામાં એ વધુ થાય છે. એ પણ મોટા ભાગે પાણીજન્ય છે

15 October, 2021 07:01 IST | Mumbai | Dr. Pankaj Parekh

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK